Durante un Conferencia di Prensa diahuebs, 18 di februari 2021, Gobierno a anuncia oficialmente cu entrante diaranson dia 24 di februari proximo, e prome ciudadanonan di Corsou lo cuminsa ricibi e vacuna contra COVID-19.

Manera ya a anuncia anteriormente, e prome gruponan cu ta bini na remarca pa ricibi e vacuna, ta personanan 60+ y esunnan cu ta labora den e sector di cuido y tin contacto directamente cu pashent. Despues di e grupo aki, tur demas ciudadano riba 18 aña tambe lo por registra pa ricibi e vacuna contra COVID-19. E vacuna ta completamente gratis y cada persona por dicidi pa su mes si acaso e ke tuma e vacuna aki. Mas cu claro, nos tur ta desea di poco poco drenta un etapa nobo caminda nos por ta mas liber pa yega cerca otro, mustra afeccion y comparti momentonan valioso cu nos sernan keri. Inicio di e trayecto di vacunacion aki na Corsou, ta nifica pues tambe e oportunidad pa nos tur contribui pa reinverti nos biba.

Durante e Conferencia di Prensa, dr. Iralice Jansen entre otro a duna informacion amplio tocante e proceso prome y durante yegada di e prome lote di vacuna na Corsou y con nos ta ban continua e proceso awor cu oficialmente ta bay inicia cu vacunacion contra Covid-19 na Corsou.

Entrante diabierna 19 di februari, tur persona cu ta cay den e prome gruponan cu ta bini na remarca pa un vacuna, por cuminsa registra pa un cita pa vacuna. Pa registra, por yama Helpdesk 9345 gratis, di dialuna pa diasabra di 8’or di mainta pa 5’or di atardi. Registracion di personanan cu ta traha den cuido, ta cana via di nan dunado di trabou.

Riba mesun dia Gobierno di Corsou ta lansa e website www.bakuna.cw kaminda ta bay comparti mas informacion tocante vacunacion na Corsou. Pronto lo por registra pa un cita pa vacuna via di e website aki tambe.

Por ultimo, Maharo Isenia, Director di Comunicacion di Gobierno di Corsou, a haci tambe introduccion di e bachi nobo den cua Gobierno ta bay comparti tur informacion tocante COVID-19 y vacunacion na Corsou. “BIBANDO” ta un invasion pa cada biaha di nobo nos sigui dal stapnan sigur

LEAVE A REPLY

Please enter your comment!
Please enter your name here