Diasabra anochi polisnan di Oranjestad a canta bingo ora a bay controla den Ranchostraat y a mira un tas sospechoso riba un bari di sushi. E oficialnan no a confia e situacion y a baha bay controla mientras a pidi resfuerso policial. Durante cu a bay coba den e tas a haya algo parecido na arma di candela. A tuma e tas cu e arma aden den beslag.
A bin haya un persona na kende e tas ta pertenece y detencion di un homber a cay.
A notifica e recherchenan concerni pa presenta na warda. Cu ayudo di K9 Unit di cuerpo policial a bay cu e detenido na warda. Ey nan a confirma cu e arma aki ta di berdad y carga cla pa tira. Bon trabou na e oficialnan di Oranjestad.
