Ayera merdia (dialuna), Warda nos Costa, hunto cu polis a haci un control grandi na Citgo, unda a bay cu casi 60 trahado.
No ta conoci si e trahadonan tin permiso of no pa traha na nos isla. Na momento cu nos a cera nos edicion di Bon Dia Aruba, ainda nos ta en espera di haya contacto cu hefe di Warda nos Costa cu ta ocupa ainda.
Segun e hefe ta splica: “Lo mester bay controla cada persona individual pa asina sa ki dia nan a drenta y si nan por tin algun permiso. Paso tin varios cu ta trahando cu carta di estadia so.”
Na e post di Warda nos Costa na Sabana Blanco a presenta varios directornan di diferente contratista. Mester bisa cu pa mas o menos 5or di atardi varios unidad di polis, Warda nos Costa, y CEA a yega cu busnan full di e trahadonan.
