3 detencion den caso ekipo horta for di gobierno, 1 laga liber

Polis a deteni tres persona despues cu gobierno a entrega keho di hortamento di ekipo audiovisual den Bestuurskantoor. Un ya ta den libertad bek, esta Luigi Petrocchi.

Esun cu ta keda den detencion despues cu hues comisario a extendi nan detencion, ta entre otro Marko Espinoza kende a traha ocho aña como hefe di prensa di gobierno. Tambe autoridadnan a tene un entrada hudicial den un apartamento di un otro sospechoso. Nos a purba di combersa cu sr. Espinoza algun dia pasa relaciona cu rumornan cu canal ATV ta bay habri bek pero no a haya contestanan directo for di su persona. Investigacion ta andando ainda. Ta hopi ekipo a somenta. Y nan mester wordo recupera pasobra nan a wordo cumpra cu placa di pueblo. Ta papiando aki di computer nan y camara sofistica, server nan y hopi mas.  Gobierno nobo solamente a haya algun material so di trabao di tur e otro cosnan cu ta haci falta, segun informacion cu nos a haya for di PR di ministerio di Husticia.

Segun notificacion aki ‘ta ampliamente conoci cu ta falta hopi ekipo den Bestuurskantoor’. E ekiponan mas obvio cu a wordo horta segun nos ta wordo informa ta audiovisual. E comunicado di gobierno ta sigui relata cu tur miembro di prensa semper a mira e aparatonan sofistica cu gobierno di AVP tabata tin. Awor prensa por a mira tambe cu e ekipo cu gobierno nobo tin ta di calidad inferior. Algun dia atras mes por a mira un discusion riba esaki unda algun miembronan di prensa tabata cuestionando unda e ekiponan aki a bay.

Den conferencia di prensa ministernan a menciona esaki na mas di un ocasion tambe.
“Nos a laga haci investigacion administrativo cu tur e recibonan cu gabinete Mike Eman a cumpra na material y ekipo,” gobierno ta informa. Y nan a entrega keho na  husticia.

 

 

 

You May Also Like

Hacker profesional orado business event Br.jpg

Camara di Comercio lo bin cu hacker profesional pa papia riba cyber security

Camara di Comercio y Industria Aruba (KvK) lo bin cu un hacker como su ...

img_1443061907_606.jpg

Aruba ta haya un brug regalo na lugar di Natural Bridge

ORANJESTAD – Segun nos colaborador na Noticia Cla a informa nos, Aruba ta haya un ...

Servicio medico ilegal (3).JPG

“Ta dificil pa tin control riba servicionan medico ilegal”

– Departamento di Inspeccion ta splica Bon Dia Aruba cu e ta hopi dificil ...

181 keho entrega via e portal InfrAruba

Recientemente a keda lansa e website nobo Infr Aruba y tin 181 keho entrega ...

despa.jpg

Dokter Salazar: Medida di siguridad pa nos, no pa nan

Aruba tin capasidad pa atende cu epidemia local den caso cu esaki tuma luga. ...

Sentencia Stamper.jpg

Castigo pasobra no por a core sabiendo cu tin epilepsia

– Corte Superior a condena Indra Stamper pa 6 luna di prizon condicional, 2 ...