4 morto y 18 hende a disparce pa un riu cu a sali di su cauce na Colombia

Gobernador di departamento di Cauca (sur oeste), Oscar Campo a confirma cu 4 persona entre nan un bebe,  a muri na municipio Corinto, como consecuencia di un crecida di riu La Paila.

“Te na momento aki, tin cuatro persona cu a muri”, segun Campo a informa. Autoridad tin 18 hende cu a disparce   y 26  mas cu ta lesiona.

E suceso a cuminsa diaranson cerca di 6 ora atardi, momento  cu un awasero a produci e crecida di riu La Paila, y e awa a drenta na varios cas di e municipio aki, cu tin como 32 mil habitantenan. Awa a destrui hopi zona pober tambe.

E gobernante a bisa cu e riu a destrui cerca di 37 cas, pero e  cantidad

no ta definitivo pa e gran cantidad di awa cu a drenta na bario, miho conoci como La Colombiano, La Playa y Esmeralda, Carrizales, Pedregal y El Tablón.

Ekipo di rescate a cuminsa cu nan trabou desde tempran, pa asina purba di haya e hende cu ta disparce. Nan ta purba di avansa den nan trabao di  limpiesa di localidad di  Corinto.

Den labor di rescate ta traha grupo di militarnan di ehercito, polis, defensa civil na trabou di limpieza y duna hopi  yuda pa tur hende  cu ta damnifica, pa asina purba di recupera nan ekipo y obhetonan cu  famianan tabatin den nan cas, y cu awor ta yen di escombro y desperdicio.

Segun cruz cora di Colombia, como 256 persona ta haya atencion medico na un stadion deportivo, caminda nan a ser hiba pa atencion medico.

Presidente  di Colombia, Juan Manuel Santos, a haci un yamado pa tur poblacion pa purba di sigui tur recomendacion,  dilanti di temporada di awasero cu ta cay riba varios zona di Colombia.

You May Also Like

Dos preso morto y 30 a huy for di prizon di Brasil

Dos preso a muri y como trinta a huy for di un prizon situa ...

Nicolas Maduro ta considera para trafico comercial cu Aruba, Bonaire y Curaçao

(lapatilla.com) – Caracas – Presidente Nicolás Maduró a señala diamars ultimo den un transmision ...

Venezuela: Falta di gasolin lo afecta e pais

Si no percura pa importacion di 39.000 bari di gasolin pa dia, e pais ...

Presidente Trump ta prohibi transaccion di moneda digital Venezolano

(NTN24) Presidente di Estadonan Uni, Donald Trump, a firma ayera un orden ehecutivo cu ...

Nicolas Maduro ta soborna islanan di Caribe cu petroleo

Desde aña 2000 ex-presidente di Venezuela Hugo Chavez a cuminsa cu un politica exterior, ...

Parke solar Saba ta bon pa medio ambiente,pero no pa bo cartera

THE BOTTOM – 6288 panelnan di solar ta proporciona electricidad na Saba. Riba dianan ...