Colombia a confisca e carga mas grandi di cocaina den su henter historia

(BioBio).- Colombia a comunica e comiso mas grandi di droga na un operativo so, na su henter historia. E comiso aki ta un carga di 12 ton di cocaina cu tabata pertenece na un banda arma di narcotrafico. E carga tin un balor di 360 miyon dollar.

Cu e comiso aki, gobierno a duna un golpi fuerte riba e financia di mafia, y asina e gobierno di Santos ta duna un respuesta efectivo dilanti di tur presion cu Merca  a pone riba Colombia. Merca ta worry pasobra e produccion di cocaina na Colombia ta subi desde aña 2016.

“Desde e dia cu nos a cuminsa e lucha contra narcotrafico pa mas di 40 aña, Nos nunca a confisca un carga asina grandi”,  Santos a bisa

E carga a wordo confisca pa polis situa na zona di banano di Uraba, na departamento di Antioquia, den un accion conhunto cu a haya apoyo di banda di varios organismo internacional.

400 polis a yega na cuatro propiedad situa na municipio di Chigorodó y Carepa,  y eynan nan a haya e droga cu tabata scondi bou tera.

Polis a saca hopi pakete compacto di colo Blauw y berdi, algun di nan cu numbernan y otro di nan cu un stampel “Rolex”. E carga tabata di Dairo Antonio Úsuga, alias ‘Otoniel’,  capo di Clan di Golfo y e homber mas solicita pa polis di Colombia. Merca ta duna cinco miyon dollar,  como recompensa pa  captura  di Otoniel.

“Cu e comiso aki polis ta supera e cantidad di droga confisca na aña 2016 (…): tin 362 ton e aña aki” contra 317 cu a haya na 2016, Santos a splica, ora cu a biaha te zona ey pa asina duna nan felicitación pa e tropa di polis.

Colombia ta e mas grandi productor y exportador di cocaina rond di mundo. Merca ta e principal consumidor.

Entre 2014 y 2016 tur narco cultivo a subi di 69.000 pa 146. 000 hectarea. E producción a subi di 442 ton pa 866 ton di droga, Nacion Uni a splica.

You May Also Like

Gobierno di Maduro ta trata di manipula dialogo na su fabor

Enrique Márquez, diputado di Asamblea Nacional pa Mesa di Unidad, a bisa cu gobierno ...

Cuba: Sclavitud y trafico di hende tras di fraude grandi di medico Cubano

Durante decadanan, e ilusion desde La Habana a laga kere cu profesionalismo di mediconan ...

Caribe: Caricom ta recomenda di clasifica marihuana como substancia controla

(CaribbeanNewsNow) – Caribbean Community (CARICOM) su comision regional encuanto marihuana a recomenda pa kita ...

Uruguay: Hefe di Ehercito nobo a declara cu no sa si denuncia di crimen di dictadura ta real

E comandante hefe di Ehercito nobo di Uruguay, Claudio Feola, kende a asumi dialuna ...

425 stranhero deporta di Panama entre januari y mei

Autoridad di Panama a deporta of expulsa 425 stranhero entre  januari y mei cu ...

Venezuela: Exportacion di crudo pa Merca a cay te na cero

Importacion di crudo Venezolano na Merca a cay te na cero siman pasa, pa ...