Cuater persona a fayece y 20 herida despues di loke polis ta bisa ta un acto di terorismo na Westminster, London diaranson trempan. Segun informacion di BBC, polis a wordo yama pa atende cu un incidente na Parliament Square den Central London. A wordo reporta na polis cu tabata tin un persona cu a dal varios hende cu auto anto un otro sospechoso arma cu un cuchiu.
Un polis a wordo ataka tambe y hinca cu cuchiu riba tereno di House of Parliament. E polis a fayece como tambe e homber cu nan ta sospecha cu tabata esun cu a ataka e polis cu cuchiu. Parlamento na London a wordo suspendi pa e resto di dia y politiconan, periodistanan como tambe bishitantenan tabata cera den e edificio pa casi dos ora. Prome Minister Theresa May a yama pa un reunion cu e comision di emergencia di gobierno.
