Un avion chikito bulando di Chicago pa Canada pa un biahe di pesca, a cay diasabra na parti noord di Wisconsin lagando un saldo di 6 persona morto cu tabata abordo, autoridadnan ta bisa. Esaki ta sosode un dia despues cu 4 persona a muri den un accidente aereo na noordoost di Georgia. E avion tipo Cessna 421 a cay den oranan di marduga, rond di 3or di mainta, na e municipio di Harmony, no mucho leu di e ciudad si Catawba.
E accidente a pasa diasabra pero oficialnan no a duna informacion di cuanto victima tabata tin te cu diadomingo mainta. Tur e victimanan ta adulto pero no ta tur identidad ta conoci. E accidente a sosode den un zona cu hopi mondi y scur oficialnan ta bisa. Investigadonan di e Nacional Transportacion Board (NTBS) a wordo manda na e sitio mesora. Funcionarionan di NTBS a bisa cu tabata tin un discusion entre e piloto y e controladonan di trafico aereo acerca di un ‘fenomeno climatico local’. Pa mas o menos 2or di mainta e avion a desaparece for di e radar y e restonan di e avion a wordo haya despues.
NTSB tambe tabata investigando e accidente di otro avion chikito na Georgia cu a cobra bida di por lo menos 4 persona diasabra atardi, segun e oficina di sherrif di Condado di Murray. E avion, cu un bimotor piper, a baha 4.44pm cerca di Chasworth Georgia.
