(radaronline) – Casonan di Covid a aumenta na e sitio unda Barack Obama tabatin su fiesta di cumpleaños sin tapaboca apenas algun dia atras. Presidente Mericano #44 a cumpli 60 aña siman pasa, y a tira su mes un soirée na Martha’s Vineyard, a pesar cu administracion di Joe Biden y CDC a adverti hende pa evita reunionnan grandi pa motibo di variante Delta.
Awo, mas di 60 persona na Martha’s Vineyard a test positivo pa Covid-19 den ultimo dianan. Segun Daily Mail, aproximadamente 63 persona den e area a test positivo desde e fiesta gigante di Obama, marcando e aumento di Covid di mas grandi desde april.
A pesar di e aumento di casonan di Covid despues di e fiesta di e ex-presidente, oficialnan di salud ta bisa cu ta mucho trempan pa culpa e aumento riba fiesta di Obama. “Na e momento aki nos no ta na altura di ningun caso conecta cu fiesta di Obama”, agente di salud Tisbury y vocero di hutna di salud, Maura Valley a bisa Daily Mail, agregando: “Ta un tiki trempan y e unico forma cu nos ta bay sa ta door di contact tracing comprensivo.”
Centenares di persona a reuni pa e soirée, a pesar cu su team a bisa cu el a reduci significantemente e fiesta originalmente planea pa 700 persona despues cu a ricibi critica.
Chrissy Teigen, John Legend, Dwayne Wade, Gabriel Union, Don Cheadle, rapper Common y HER tur a ser mira yegando Martha’s Vineyard prome cu e celebracion.
Otro persona cu ta sospecha tabata invitado – aka ‘amigo cercano’ – ta inclui Steven Spielberg, Oprah, Tom Hanks, George Clooney, Jay-Z, Beyonce, Bradley Cooper y Bruce Springsteen.
A pesar di viola guianan di CDC pa su fiesta, Obama a continua desafiando recomendacionnan e siguiente dia. A saca potret di e ex-presidente sin tapaboca den un grupo grandi di persona pa un brunch riba diadomingo. Mientras e grupo tabata pafo, nan tabata bao di un tent enorme y pega schouder cu schouder riba otro rond di e mesa.
Obama no ta e unico cu ta parce di no cumpli cu guianan di administracion di Joe Biden. Yiu homber di e presidente, Hunter Biden a ser mira sin tapaboca den un multitud tambe.
