Productornan pa e pelicula di James Bond na caminda ta bisa cu lansamento di e pelicula a keda retrasa un biaha mas, te herfst 2021, pa motibo di e efectonan di pandemia di coronavirus.
E cuenta oficial 007 riba Twitter a bisa diahuebs laat cu e di 25 instalacion di e frankicia awo lo tin apertura dia 8 di october. ‘No Time to Die’ originalmente tabata programa pa habri na april 2020, pero a keda posponi pa november di e aña ey mientras e virus a plama rond mundo. Despues a pospone atrobe pa dia 2 di april, 2021.
E pelicula di director Cary Joji Fukunaga ta presenta Daniel Craig como 007, Rami Malek, Lashana Lynch y Ana de Armas.
Ta un di e cantidad di lansamentonan mayor cu a keda posponi of a pasa na servicionan di streaming mientras studionan di Hollywood ta lucha cu restriccionnan relaciona na coronavirus cu a cera cinema den mercadonan rond mundo.
Mientras programanan di vacunacion masivo na varios pais ta duna speransa cu cinema por habri back, progreso riba inmunisacion ta slow.
Despues cu e retraso mas recien di Bond a keda anuncia, Sony a bisa cu ta posponiendo varios di su lansamentonan programa pa spring. A bisa cu ‘Peter Rabbit 2: The Runaway’ ta move di april na juni; ‘Ghostbusters: Afterlife’ a keda posponi di juni na november; y ‘Cinderella’, cu cantante Camila Cabello, awo lo yega na juli na luga di na februari.
