(AFP) – Miembronan disidente di grupo rebelde FARC di Colombia a tuma 29 soldad y agente di polis cautivo durante enfrentamentonan cu ehercito na un region clave pa cultivo di cocaina den sur occidente, segun ministerio di Defensa a bisa diabierna.

E ministerio a culpa e atake diahuebs riba miembronan di e fraccion renegado principal di FARC, Estado Mayor Central (EMC), cu a rechasa e acuerdo di paz historico firma pa e grupo Marxista rebelde cu estado na 2016.

A bisa cu residentenan actuando na instancia di e guerrillanan tambe a participa den e hostilidadnan.

E eventonan a sucede den e municipalidadnan di Argelia y El Tambo, areanan mayor di cultivo di coca controla pa EMC, cual ehercito ta purbando di trece back bao control di estado desde october.

Coca ta e materia prima pa cocaina.

Videonan publica pa autoridadnan ta mustra un vehiculo arma na candela ta huy di e area mientras un grupo di hende ta tira piedra riba dje.

Den otro video, por mira riot police ta tira granat di huma y ta avansa riba un caya durante un bataya cu ara di candela.

Colombia ta experimentando su pio brote di violencia den un decada desde e acuerdo di paz cu FARC.

Hopi di e violencia ta impulsa pa e lucha pa control di areanan di cultivo di coca y rutanan di traficacion di cocaina. E bringamento den sur occidente ta yega menos di dos luna despues di un ola di atake di guerrilla den region nort oriente di Catatumbo, cu a laga decenas morto y a forsa diesmiles pa huy di nan hogar.

Un fraccion di EMC ta den negociacion di paz cu gobierno, pero otro fraccion a retira di e mesa di negociacion aña pasa y a reanuda atake riba forsanan estatal, cu na su turno a aumenta operacion contra e grupo.

Skirbiendo riba e red social X, presidente iskierdista Gustavo Petro a bisa cu EMC tabata actuando pa “desesperacion y pues usando e poblacion civil.”

Minister di Defensa a acusa e rebeldenan di crimen di guera.

A bisa cu e disidentenan “no solo a recluta menornan forsosamente sino tambe a instrumentalisa y obliga e poblacion civil pa asina rechasa forsanan estatal” y preveni estado di duna acceso na “salud, educacion, empleo y transformacion regional.”

Hefe di polis, general Carlos Fernando Triana riba X a haci un yamado pa e liberacion inmediato di e miembronan di forsanan di seguridad secuestra pa e guerrilla.

E olanan sucesivo di violencia a afecta e politica clave di Petro di trece un “paz total” na Colombia door di trece tur grupo arma na mesa di negociacion. Criticonan di Petro ta bisa cu e guerrillanan a usa e espacio cu e negociacionnan ta duna nan pa expande nan control riba partinan rural remoto den nort oriente y sur occidente, particularmente.