Recientemente e portal di noticia Aruba.nu a publica un articulo den cual ta trece dilanti e preocupacion cu Departamento di Naturalesa y Medio Ambiente (DNM) a expresa pa loke ta trata e aumento di tiramento di cabrito y cacho den e area di costa na Santana di Cacho, banda di Baby Beach.

Segun e portal, director di DNM Gisbert Boekhoudt ta informa cu e situacion a empeora ultimo añanan, mientras cu un proyecto concreto pa ataca e problema no a ser ehecuta ainda.

Segun Boekhoudt, inicialmente e tabata un area chikito, pero mas y mas hende ta treciendo nan bestianan na e localidad aki, asumiendo cu e ta un bon luga pa libera nan. No tin maneho di nada pa esaki, mientras cu laga bestia los por tin consecuencianan adverso pa tanto naturalesa como e hendenan den e area.

Boekhoudt a declara cu hasta hotel of partidonan cu tin interes den e sector turistico ta confronta cu molester pa motibo di e bestianan aki. No solamente e ta trece riesgonan, e ta afecta e bista di e area tambe. E portal a sigui indica cu DNM por duna conseho solamente unabes cu a entrega un proposicion concreto di proyecto. Pa cu esaki e director a enfatisa cu mester nombra esnan responsabel cu por atende e situacion, cual por encera organisa refugio of duna un solucion pa bestianan cu no por sobrevivi riba nan mes.

E situacion, el a bisa na e portal, a empeora despues di e horcannan Ivan y Matthew, cu a causa cu e duinen y structuranan di coral den e region a move den direccion di Baby Beach. Esaki a cambia e area y haci’e mas sensitivo pa coriente, specialmente ora lama ta bruto. Animalnan cu ta ser tira den awa no hopi profundo por ser exponi y esaki ta trece riesgonan pa tanto hende como fauna den e area.

DNM a enfatisa cu ta importante pa elementonan natural existente, manera e duinnan, keda na nan luga. Nan ta eherce un funcion den e ecosistema. Duinnan mas hundo ta keda na nan luga miho y ta yuda tene e tereno den bon condicion.

E informacion aki no a cay den bon tera, specialmente cerca esnan cu dia aden y dia afo ta lucha contra e problema di cacho y pushi riba caya.

Un activista na fabor di cacho y pushi conoci na Aruba a comenta cu simplemente nan kier deshaci di e Santana di Cacho na fabor di e desaroyo di Secrets Hotel den e area ey. “Esnan cu tabata bringa asina duro pa haya e hotel ey eynan a bin ta bisa pa un tempo caba cu nan kier pa e santana bay. Ta pone bo puntra bo mes kico tin aden pa nan. Nada no ta sagrado mas. En bes di busca un manera pa tene e santana como un luga special nan kier dañ’e. Dumping di cabrito? Cacho semper tabata na Baby Beach y si e por ta mas pero nan a wak rond di e isla,” el a cuestiona.

“Hende mester bini hunto y ta duro y expresa nan indignacion. Trece atencion na dje. Mi no ta un fanatico di e gritamento online tur dia riba problemanan di Aruba, pero mi mes a dera cuater alma eyden pa awor y mi ta djis un bishitante. Mi ta sumamente rabia tocante un luga di sosiego pa sernan keri di hende ser daña. Mascotanan ta muri, hende kier dera nan. Unda nan mester bay? Pues graf y cruznan lo cuminsa aparece tur caminda den futuro cercano. Mester haci buya tocante e asunto aki. Si no, Secrets lo djis tuma e santana di bestia di cas secretamente y despues bisa “Ooops!,” otro usuario a comenta.