Alrededor di 6or di atardi a drenta informe cu tin un turista cu problema den lama, den e caso aki Arashi.
Na momento cu polis a yega na e sitio y a haya mas informacion, a tuma accion inmediatamente y polis a drenta lama. Cu ayudo di un “rubberboot”, a logra trece e prome turista na canto di lama. A cuminsa cu reanimacion y asina cu ambulance a yega nan a tuma esaki over, sinembargo ya no por a haci nada mas y Dr. Voskuil a constata e morto di e turista, ken a fayece cu 53 aña.
Despues di esaki a informa polis cu tin otro turista den lama cu tambe ta den problema, y cu ayudo di e mesun rubberboot a bay busk’e y trece canto di lama. Ambulance a sigui cu e trabao di reanimacion, y e biaha aki si a haya un pulso. Ambulance a transporta e turista pa hospital cu maximo urgencia.
Bon Dia Aruba ta expresa palabranan di condolencia na e famia di e fayecido.
