(Reuters)—E Food and Drug Administration a aproba e prome test na cas pa screening di cancer cervical, segun su fabricante Teal Health a bisa diabierna, ofreciendo un alternativa e Pap smear cu mester haci na oficina di dokter.
Testnan di Pap smear a significativamente reduci incidencia di cancer desde nan a introduci esaki 80 aña pasa. Pero nan por ta incomodo debi na e rekisito pa un examen den clinica. Teal Health a bisa cu e decision di FDA tabata basa riba un estudio den mas cu 600 hende muhe cu a mustra cu muestranan colecta pa hende muhe mes usando e test tabatin e mesun prestacion compara cu muestranan colecta pa clinicanan.
E aprobacion no ta “solamente tocante un producto nobo innovativo, e ta tocante duna hende muhe un opcion cu ta pas cu nan bida—algo cu por haci rapidamente y comfortablemente na cas,” segun co-fundador y CEO di Teal, Kara Egan.
Tur aña na Merca, aproximadamente 11.5000 caso nobo di cancer cervical ta diagnostica y aproximadamente 4.000 hende a muri di esaki, segun e Centro di Control y Prevencion di Malesa. E test su compania di startup, Teal Wand, ta detecta human papillomavirus (HPV), cual ta responsable pa casi tur cancer di cervical, similar na Roche (ROG.S.). pero Teal Wand ta permiti hende muhe colecta muestranan for di cas y mand’e pa un laboratorio certificado pa testing, mientras cu e test di Roche ta aproba pa usa den clinica.
Teal Health no a revela e costo di e test, pero a bisa cu e ta trahando cu proveedornan di seguro medico pa cobertura y opcionnan flexible pa pago.
Egan a referi na un otro test na cas yama Cologuard, crea pa Exact Sciences (EXAS.O), pa detecta cancer di tripa. “Pues Cologuard ta completa cubri pa mayoria seguro, pero tambe, si bo mester paga bo mes, ta rond di 600 dollar. Nos ta planea pa ta mas barata,” el a conta Reuters.
Teal Health ta planea pa cuminsa suministra e kitnan den juni pa pashentnan entre 25 pa 65 aña di edad.
