Pa di prome biaha Mariniernan Hulandes ta train hunto coleganan Colombiano riba suela Colombiano. E ehercicio militar conhunto den Turbo ta dura tres siman y ta dirigi su mes riba reforsa e cooperacion bilateral y e intercambio di conocemento y experencia operacional.
Durante e ehercicio ta keda di train diferente scenario, entre otro operacionnan riba riu, operacionnan anfibio y operacionnan na Costa. Esakinan ta destresanan crucial dentro di e dominio Marino. Pa medio di training conhunto den e areanan di trein desafiante di Colombia, e unidadnan ta engrandece nan despliegue bao di varios circunstancia.
Ademas di e Mariniernan tambe e barco di sosten Zr.Ms. Pelikaan ta participa na e ehercicio. Asina e ta participa na ehercicionan maritimo riba lama y ta zorg pa transporta material y e unidadnan.
“E training aki ta brinda un chens unico pa siña di otro”, Mayor Rik, Comandante di e Escuadron di Marina Carib, ta bisa. “Nos ta combina nos conocemento, mehora destresanan, esun di e otro, y ta construi nos confiansa mutuo.” Tambe di banda Colombiano tur hende ta positivo tocante e cooperacion y e ehercicio.
E ehercicio ta un paso concreto den e asociacion militar entre Hulanda y Colombia. Un paso valioso den e colaboracion riba tereno di siguridad, training y preparacion operacional. Esaki ta zorg pa brinda pas y seguridad den Region Caribe.
