(AP) – Papa Leo XIV a tuma over e Vaticano su cuentanan di rednan social oficialmente, cu un prome publicacion riba Instagram diamars ripitendo e prome palabranan cu el a duna mundo como Papa: “Peace be with you all!”
E cuenta, @Pontifex – Papa Leo XIV, su publicacion tabata compaña pa algun di e potretnan cu a documenta e prome dianan di e prome Papa Mericano den historia. E Vaticano a bisa cu e lo archiva e publicacionnan di Papa Francisco su 12 aña den e posicion. Riba X, e cuenta nobo no tabata activo diamars.
E Vaticano a lansa e cuenta @Pontifex den 2012 durante e pontificado di Papa Benedicto VVI. Awo, e ta disponible awo den 9 idioma – Ingles, Spaño, Portugues, Italiano, Frances, Aleman, Polcao, Arabe y Latin – y ta conta cu 52 miyon siguido combina.
Papanan den pasado no tabata realmente haci e publicacionnan, cual tabata cura pa Vaticano.
E ex Cardinal Robert Prevost ocasionalmente a publica riba X den un cuenta cu a habri den 2011. E tabata inactivo desde juli di 2023 pero a bolbe anteriormente e aña aki pa comparti su critica contra e administracion di Trump su politicanan di migracion y comentarionan haci pa e Vice Presidente JD Vance.
