(AP) — Khaby Lame, e personalidad di TikTok mas popular na mundo cu miyones di siguidor, a bandona Merca despues di a keda deteni pa agentenan di emigracion na Las Vegas, pa supuestamente a keda mas largo cu su visa tabata permiti.
E influencer Senegales-Italiano, kende su nomber legal ta Seringe Khabane Lame, a keda deteni diabierna na Aeropuerto Internacional Harry Reid, pero a ser permiti pa bandona e pais sin un orden di deportacion, un vocero di Inmigracion y Duana di Merca a confirma den un declaracion.
Lame a yega Merca dia 30 di april y “a keda mas largo cu e condicionnan di su visa,” vocero di ICE a bisa.
E influecer naci na Senegal a muda pa Italia tempo e tabata un baby cu su mayornan y tin ciudadania Italiano.
E hoben di 25 aña a haya internacional durante pandemia, sin nunca bisa un palabra den su videonan, cu lo a mustr’e reacciona riba “life hacks” absurdamente complica. E tin mas cu 162 miyon siguidor riba TikTok.
