Recientemente nos por nota dos articulo academico un di Korinek et al. 2024, cu ta mustra e diferencia mainta trempan cu lo ta bay tin den e acumulacion di capital den siglo 21 dor AI y automatisacion. Den un otro publicacion di Stiefenhofer et al. 2025, e academico a crea un modelo di varios scenario con e taxatie y redistribucion aki di e prosperidad crea por forma e base pa un Universal Basic Income cu ta crece cu e nivel di automatisacion y creacion di prosperidad. Pa mi analisis mi a usa “Claude 4.0 Opus”, pa combina e dos papernan academico aki y pa modela varios scenario.

Scenario Conservativo di AGI pa 2035
Den ambos paper ta toca e tema di “AGI”, esta Artificial General Intelligence, un terminologia academico pa un tempo unda AI ta yega na un punto cu e por match e inteligencia di un ser humano den tur ramo, esta creatividad, inteligencia exacto y tur otro factor. Debi na esaki ambos academico Korenik y Stiefenhofer ta indica cu 2035 lo ta un aña crucial unda e tendencia di automatisacion lo cuminsa bay den full speed. Rond e aña aki lo tin mas trabao automatisa completamente, cu hende necesario pa cupo di trabao. Pa aña 2040, 98% di tur trabao humano lo ta automatisa.

Esaki lo por parce un proyeccion hopi extremo pa hopi lector, pero usando analisis di Peter Gostev, nos por wak con enormemente rapido e poder den ramo di computing ta acelerando ya caba pa añanan 2026 pa 2030, unda e total di “computing power” disponibel lo ta literalmente 47 miyon biaha mas grandi cu esun di 2025. Combina esaki cu progreso den algoritmonan, e no lo ta straño pa pensa cu nos lo por tin sistemanan di AI hopi mas potente pa 2030 – 2035.

Den e analisis econometrico hopi amplio di Stiefenhofer et al. 2025, e academico a calcula varios scenario unda bao diferente forma di taxatie di capital cu AGI lo crea y su redistribucion bao di un schema di UBI. Segun Stiefenhofer e ta esencial pa bin cu un taxatie progresivo riba e capital cu AGI lo crea, pa asina preveni un super-acumulacion di capital den un grupito super chikito, y super poderoso. Den su formulanan, esaki ta nota cu η > 1.

Usando un tax progressivity η = 2. Den combinacion cu 80% di tur e entrada aki lo bay direct pa un schema UBI ta duna resultadonan toch wel hopi notabel y siguramente merece hopi atencion. Den su grafico di e combinacion di un belasting ultra-progresivo riba AGI capital y un 80% redistribucion por tin base pa un cifra di UBI cu ta 80 biaha e minimuumloon. Esaki ta e grafiek cora cu e λ = 0.8 (80%). Usando e otro model di Korinek et al. 2024 nos por spera e AGI Capital (KAGI ) nivel aki rond 2045.

Awo naturalmente ambos lector cu no a profundisa nan mas ampliamente den e materia y vooral nos ultra-kader lo pensa cu e conclusionnan menciona ta “sumamente extremo”. Pero si en berdad 99% di tur cupo di trabao wordo automatisa pa 2040 – 2045, cual si nos wak tur indicacion no ta un voorspelling radical bao circulonan academico of di cierto investment banks.

Siguramente nos ultra-kader cu prefera saca potretnan bunita cu Miss Universe y keda biaha rond mundo riba nos custia, mester cuminsa lanta fo’i soño finalmente y haci e trabao cu nos por verwacht di e kader di e pais aki. Esta prepara ampliamente pa e scenarionan aki cu no ta leu den futuro.

Si en berdad tur trabao wordo automatisa pa 2045, e concepto di Redistribucion & UBI no lo ta un fantasia pero un necesidad urgente y inmenso pa salvarguardia nos structuranan social. Den su delaster paragrafnan Stiefenhofer et al. ta yama esaki e “Contract Social Nobo”.

Spera cu esaki haya mas atencion cu Miss Universe su bishita na Aruba.