(NLTimes) – Eerste Kamer Hulandes a vota na fabor di un prohibicion nacional di klapchi pa consumidor. Gobierno kier pa esaki drenta na vigor cuminsando for di cambio di aña 2026 pa 2027. tiramento di klapchi lo ta permiti ainda durante e proximo Bispo di Aña Nobo.
Prome cu e ley por drenta na vigor, Secretario di Estado Thierry Aartsen di Infrastructura y Maneho di Awa (VVD) mester traha un asina yama Algemene Administratief Bevel. Ademas e tin cu determina tambe cual condicion e asociacionnan tin cu cumpli cu nan pa por brinda shownan di klapchi. Aartsen a bisa den Eerste Kamer Hulandes cu e lo no por haci esaki na tempo pa e proximo fin di aña.
E prohibicion di klapchi tabata den consideracion den Tweede Kamer pa hopi tempo caba. Eventualmente el a ser aproba ora cu NSC y VVD a dicidi di vota na fabor.
Servicio di emergencia y municipionan tin un tempo caba ta suplica pa e prohibicion aki. Polisnan, bomberonan y trahadornan di ambulance a ser asalta pa klapchi regularmente den añanan anterior. Pa e motibo aki e organisacionnan ta spera cu e ley drenta na vigor mesora. E Sindicato di BOA anteriormente a bisa cu e tin miedo di “un otro aña di molester y problema.”
E ley a ser inicia pa Parlamentarionan Jesse Klaver di GroenLinks-PvdA y Esther Ouwehand di Partij voor de Dieren. “Nos ta absolutamente entusiasma cu e prohibicion di klapchi awor ta un realidad. Esaki ta un noticia fantastico pa tanto bestia como hende,” Ouwehand a bisa. “Nos a lucha duro pa esaki, hasta for di tempo cu nos partido a ser funda mas cu 20 aña pasa. Ata un celebracion di Aña Nobo alegre pa tur hende.”
Tambe Klaver a papia di su felicidad pa loke ta e pasa e ley. “Cinco aña pasa, Esther Ouwehand y ami a cuminsa traha riba e ley Aña Nobo Sigur. Awe, Eerste Kamer a baydi acuerdo cu un prohibicion di klapchi. Un paso importante pa haci Aña Nobo un fiesta pa tur hende un biaha mas.”
