Drs. Samuel Dumfries project leader y miembro di e ekipo di programa di Strategic Alliance and Labor, den Reino desde 2024, a participa dia 3 di oktober 2025 ultimo den un conferencia di mesa rondo na Sint Maarten. E tabata responsabel como project leader pa logra cu e metanan di e proyecto labor market analysis ser cumpli manera palabra den e program team pa Aruba Corsou, Sint Maarten y Hulanda.
Drs. Samuel Dumfries oficialmente ta representa pais Aruba den e Plataforma SEA di Reino Hulandes. https://strategiceducationalliance.org unda e 4 Ministernan di Reino di Enseñansa di Hulanda, Sint Maarten y Corsou ta e opdrachtgever y ta traha e acuerdonan den e Ministrieel 4 landenoverleg di Enseñansa. Un proyecto sumamente importante den nos Reino. E meta ta pa haci un analisis di e mercado laboral y tambe con pa supera e gap den educacion pa nos hobennan y interesadonan den nan carera profesional. Promer di representa Aruba den Reino den Platforma SEA, Samuel tabata e project leader pa 4 aña di Plataforma Educacion Labor (PEL) di Aruba y tambe cabesante di Educacion na Kabinet di Arubahuis.
Dia 3 di october ultimo, e validacion di e investigacion di Sint Maarten a tuma luga cu tur e stakeholdersnan di Enseñansa y di mercado laboral. Validacion di e resultadonan di investigacionnan di Aruba tabata dia 14 mei ultimo y na Corsou 16 di mei. Hunto cu e investigadonan di Universidad di Aruba, Corsou y Sint Maarten e investigadonan di e paisnan y e analisis ta tuma luga pa presenta e rapportnan di cada pais y consehonan concreto pa e 4 ministernan di Enseñansa di Reino. E validacion di Sint Maarten tabata e ultimo serie den e validacion di e paisnan di Reino.
E meta di e SEA di Reino Hulandes, ta pa alinea e mercado laboral y educacion pa stimula brain gain y pa atrae profesionalnan bek pa na pais nativo. Tambe pa tin mas conocemento kico mercado laboral tin mester pa desaroya y stimula crecemento di economia . Den e enseñansa validacion di e resultadonan di investigacion e topiconan ta entre otro:
Palabracion tocante e resultadonan di e analisis di mercado di e investigacion di Strategic Alliance and Education. E investigadornan ta duna presentacion.
Kico mercado laboral tin mester exactamente den su cambio y su desaroyo
Ki innovacion tin mester y kico enseñansa tin mester.
Ehempelnan practico pa enseñansa y pa mercado, y ki iniciativa inspirador tin.
Den e lunanan binidero lo tuma luga e presentacion di e rapportnan concerni y conseho pa e 4 ministernan di Enseñansa di: Aruba, Corsou, Sint Maarten y Hulanda tocante e analisis di mercado di nan pais y kico den Reino nos por implementa cu e resultadonan y conseho di Strategic Alliance pa Aruba, Corsou, Sint Maarten y Hulanda.
Background Links di e articulo
