(JamaicaObserver) – Segun cu e imagen devastador di e daño y destruccion generalisa causa pa horcan Melissa ta sigui desaroya, specialmente den parokianan Occidental, e Grupo JN a profundisa sosten humanitario pa yuda den e esfuersonan di recuperacion.

Den un declaracion diadomingo ultimo Jamaica National a comparti cu e lo ta reintroduciendo e Fondo ISupportJamaica pa canalisa donacionnan di Jamaiquinonan den exterior, pa asisti den esfuersonan di alivio y reconstruccion den e areanan mas afecta, esta institutonan di infancia trempan, facilidadnan di salud y casnan pa hende grandi, y otro gruponan vulnerabel.

“Mundo ta respondiendo na e situacion di Jamaica y nos ta conmovi pa e derame di sosten,” Claudine Allen, gerente general, JN Foundation, a bisa, agregando cu “Jamaiquinonan na Reino Uni ya a compila articulonan significante cu no ta daña y suministronan di higiena cu ta destina pa Jamaica.”

Ademas di e Fondo ISupportJamaica, e Grupo JN ta acomoda e boluntarismo di su empleadonan y ta colabora pa sostene instancianan estatal y partnernan di gobierno pa debolbe un sentido di normalidad na comunidadnan mas afecta. Un cuerpo di boluntarionan di empleado di JN a ser mobilisa door di e Fundacion JN den cooperacion cu St. John’s Ambulance y e compania miembro di JN Group, e Asociacion di Auto di Jamaica (JAA), pa duna cuido medico bon necesario y asisti cu kitamento di sushi. E prome set di boluntarionan a duna sosten na varios comunidad na St. Elizabeth den un dia di sirbishi ayera diadomingo 2 di november y lo reuni segun ta necesario pa otro actividadnan.

“E situacion aki ta garantisa nos colaboracion pa yuda alimenta esfuersonan di recuperacion pa esnan mas afecta. Trahando hunto cu e gobierno di Jamaica y otro instancianan caritativo, nos a evalua e necesidadnan cuidadosamente, pues nos decision pa sostene e suministro di no solamente cuminda y articulonan, pero asistencia medico y prome ayudo basico. E hospitalnan den e region ta daña, y limita y cuido urgente, y, na mesun momento, movecion ta limita pa motibo di monton di sushi,” Allen a splica. “Nos mester di tur man cu por yuda.”

Allen a bisa cu mester implementa medidanan sostenibel tambe pa mantene e fluho di ayudo den transcurso di tempo. El a señala cu e Fundacion ta trahando a traves di su red di gruponan di servicio di base, JN Circle, pa duna sosten riba tereno na comunidadnan den henter Jamaica.

“Pa medio di e JN Circle nos por a canalisa alrededor di $20 miyon na ayudo durante e ultimo dos añanan pa casnan di mucha, institutonan di infancia, organisacionnan di hende muhe, y hendenan cu mester di ayudo, entre otro,” Allen a delinea. “Y nos lo ta trahando a traves di nan awor y cu tempo pa entrega sosten na comunidadnan.”

Aceptando cu comunicacion ta keda un reto, el a señala, “Ta importante pa sostene e yamada pa instancianan cu ta trahando pa trece tur hende hunto, manera e Conseho pa Servicio Social Boluntario, CVSS,” y a urgi Jamaiquinonan cu kier yuda pa inscribi pa boluntario pa proyectonan di alivio cu ta ser desplega.

“Esaki ta e momento cu nos mester pa cuida nos rumannan. Nos lo recupera y reconstrui solamente si nos hacie hunto,” el a conclui.