(AP) – E temporada festivo a yega, y e regalo pa fanaticonan ta e data y marketing di fin di aña; Spotify Wrapped y Bad Bunny a ser nombra e artista mas scucha pa un di 4 biaha, kitando e trono for di Taylor Swift.
Riba diaranson, e gigante den streaming di musica a revela su resumen anual pa modanan individual ademas di modanan rond di mundo. Usuarionan a haya acceso na nan artistanan, canticanan, genero, album y podcast top, ademas di descubri ken ta e artistanan cu a tin e miho aña riba e plataforma.
Bad Bunny tabata e artista mas scucha na nivel global e aña aki, cu mas di 19.8 biyon stream. E ta sigui pa Swift, The Weeknd, Drake y Billie Eilish den e orden aki.
Pa e ultimo 2 aña, Swift tabatin e posicion top aki, globalmente, ricibiendo e posicion den 2023 y kedando cu esaki pa 2024 – despues di kita e trono for di Bad Bunny. E tabatin e titulo pa 3 aña tras di otro cuminsando den 2020. Awo, el a tuma su titulo back.
Na Merca, e artista mas scucha ta un poco similar; Aki Taylor Swift ta lider di e posicion, sigui pa Drake, Morgan Wallen y Kendrick Lamar. Bad Bunny a keda den di 5 luga.
E album mas scucha na nivel global tabata Bad Bunny su album mas recien “Debi Tirar Mas Fotos” sigui pa KPop Demon Hunters su canticanan y 3 hit lansa den 2024; “Hit Me Hard and Soft” di Billie Eilish, “SZA su “SOS Deluxe: LANA” y Sabrina Carpenter su “Short n Sweet” den e orden aki.
Na nivel global, e cantica mas scucha ta bay pa Bruno Mars y Lady Gaga su colaboracion, “Die with a Smile,” cual a haya mas di 1.7 biyon stream. Despues ta sigui Billie Eilish su “Birds of a Feather,” Bruno Mars y Rose su “APT.”, Alex Warren su “Ordinary” y Bad Bunny su “DtMF.”
Lamar y SZA su colaboracion “Luther” tabata e cantica mas scucha na Merca, sigui pa “Die With A Smile,” “Orinary,” “Birds of a Feather” y den di 5 luga Lamar y Lefty Gunplay su “TV Off.”
