(AP) – WhatsApp ta enfrenta investigacion anti-competencia den Union Europeo, unda reguladornan a bisa diahuebs cu nan ta investigando e servicio di mensahe su politica otcante inteligencia artificial.
Comision Europeo a bisa cu el a habri un investigacion formal den contra di e aplicacion pa motibo cu tin preocupacion tocante WhatsApp su decision di limita acceso pa proveedornan di AI di tercer partido.
WhatsApp, propiedad di Meta Platforms, cual tambe ta doño di Facebook y Instagram, a lansa su funcion di chatbot di AI pa usuarionan den Union Europeo despues di atraso.
E comision, cual ta e bloke su brasa ehecutivo, a bisa cu un actualisacion den politica reciente por nifica cu companianan rival di AI ta blokia di ofrece nan assistent di AI riba e plataforma, mientras cu Meta su servicio di chatbot ta keda accesible pa e usuarionan. Reguladornan ta criticando e terminonan nobo y condicionnan pa e clientenan di negoshi, ken por usa e assistentnan di AI pa comunica cu clientenan riba WhatsApp.
Teresa Ribera, e comision su Vice Presidente cu ta monitor e asuntonan di competencia, a bisa cu e bloke kier preveni cu e companianan di tecnologia Grandi ta cera e entrada pa competidornan innovativo.
“Esaki ta e motibo dicon nos ta investigando si Meta su politica nobo por ta ilegal bao reglanan di competencia, y si nos mester actua rapidamente pa preveni cualkier daño cu no por drecha na competencia den espacio di AI,” el a bisa den un comunicado di prensa.
E comision su “acusacionnan ta sin base,” WhatsApp a bisa den un declaracion. “E uso di AI chatbot riba nos Business API ta pone peso riba nos sistema cu nan no ta diseña pa sostene.”
“Sinembargo, espacio di AI toch ta altamente competitivo y hende tin acceso na e servicio di nan scogencia den un gran cantidad di manera, incluyendo app store, search engine, servicio di e-mail, integracion di partnership y sistemanan di operacion,” e compania a bisa.
E investigacion lo cubri tur 27 pais den EU cu excepcion di Italia, unda autoridadnan ya caba a habri nan propio investigacion separa.
