(AFP) – Fanaticonan di Panda na Tokyo a despedi diadomingo di un par di panda popular cu lo regresa China, lagando Hapon sin e bestianan stima pa prome biaha den mita di un siglo.
Presta como parti di China su programa “panda diplomacy” e bestianan stima aki ta simbolisa amistad entre Beijing y Tokyo desde cu a normalisa lasonan diplomatico den 1972.
Algun bishitante na Ueno Zoological Gardens a keda cu wowo na awa mientras nan tabata mira Hapon su unico dos panda Lei Lei y Xiao Xiao come bamboo.
E bestianan ta anticipa di bay China diamars despues cu e relacion entre dos di Asia su economia mas grandi a enfrenta dificultad.
“Mi ta sinti cu mira panda por yuda crea un conexion cu China tambe, pues den e sentido ey mi realmente lo kier pa panda bin back Hapon,” Gen Takahashi, un residente di 39 aña cu a bishita e zoologico cu su casa y yiu muhe di 2 aña a comenta.
“Muchanan stima panda tambe, pues si nos por mira nan cu nos propio wowo na Hapon, mi definitivamente lo kier bay.”
E pandanan su regreso repentino a keda anuncia luna pasa despues cu Hapon su prome minister conservativo Sanae Takaichi a duna señal cu Tokyo por interveni militarmente si algun atake contra Taiwan tuma luga.
Su comentario a provoca rabia di Beijing, cual ta considera e isla su propio teritorio.
E 4.400 ganador di un loteria online a tuma turno ta bira e morochonan na Ueno Zoo mientras cu otronan tabata reuni alrededor, varios cu T-shirt cu tematica di panda bisti, tas y popchi pa celebra e momento.
Mayuko Sumida a biaha varios ora for di e region central Aichi cu speransa di mira nan a pesar di no a gana e loteria.
Nan partida posiblemente no ta politicamente motiva, pero si panda regresa Hapon den futuro e por simbolisa un mehoracion den e relacion, segun Masaki Ienaga a comenta.
