(Infobae) – Centro di dato actualmente ta consumi mas cu 4% di electricidad total na Merca y ta calcula cu e porcentahe por subi te 17%.

Inteligencia artificial lo causa un aumento significativo den consumo di energia di centro di dato na Merca, cu por usa te cuatro biaha mas electricidad pa 2030.

Advertencia aki ta bini despues di creacion di Next-Generation Data Centers Institute (NGDCI), un iniciativa di Oak Ridge National Laboratory (ORNL) enfoca riba enfrenta reto energetico asocia cu avance di inteligencia artificial.

Stephen Streiffer, director di ORNL, a indica cu inteligencia artificial ta transforma varios sector, pero tambe ta genera un demanda energetico sin precedentenan.

Laboratorio ta adverti cu consumo di electricidad di centro di dato relaciona cu AI por duplica o hasta triplica den proximo decada, aumentando presion riba infrastructura energetico actual.

Segun Electric Power ResearchInstitute, centro di dato ya ta representa mas cu 4% di consumo total di electricidad na Merca, cifra cu por yega 17% pa 2030.

E aumento aki ta directamente liga cu necesidad di operacion y entrenamento di modelo grandi di AI, cu ta rekeri gran cantidad di energia pa funciona eficientemente.

Con ta aborda consumo di energia di centro di dato

NGDCI tin como meta aborda consumo creciente di energia di centro di dato via desaroyo di infrastructura mas sigur, eficiente y confiabel.

Pa logra esaki, instituto lo consolida experiencia di ORNL den tecnologia energetico, computacion avansa, ciencia di red y ciberseguridad.

Entre su prioridadnan ta creacion di sistema di refrigeracion di ultimo generacion, maneho optimisa di energia y integracion inteligente cu red electrico.

E instituto lo conta cu apoyo di proyecto Modeling Energy GrowthAssociatedwith Data Centers (MEGA-DC), cu ta usa herment avansa pa analisa impacto economico y tecnico di mehora nan den infrastructura.

E informacion aki lo ta clave pa desaroyadornan, companianan di energia y formuladornan di politica ora nan ta tuma decision riba futuro di centro di dato.

Investigadornan di ORNL ta subraya cu e centronan por bira activo strategico, capaz di adapta na tempo real y fortalece resiliencia energetico di pais.

NGDCI lo reuni cu socio industrial manera AMD, Carrier, Chemours y NVIDIA pa diseña solucionnan eficiente, incluyendo arkitectura optimisa, sistema di “refrigeracion” innovador y strategia integra di seguridad digital y fisico.

E colaboracionnan lo permiti avance tecnologico pasa rapido for di laboratorio pa aplicacion real, usando recurso exclusivo di ORNL manera micro red di prueba y ambiente di simulacion digital.

Lansamento di instituto ta coincidi cu preparacion di dos nobo sistema di computacion pa AI, Discovery y Lux, cu lo amplia infrastructura nacional di computacion di alto rendimento.

Cuanto energia centro di dato ta consumi?

Segun International Energy Agency (IEA), centro di dato ta representa aproximadamente 1,5% di consumo global di electricidad, ekivalente na 415 terawatt pa hora (TWh) pa aña.

Den ultimo cinco aña, e consumo aki a crece 12% anualmente, y proyeccion ta indica cu por mas cu redobla, yega te 945 TWh pa 2030.

E aumento aki ta principalmente relaciona cu rapido desaroyo di computacion acelera di alto consumo energetico, usa mayormente den aplicacion di inteligencia artificial.

Kico ta centro di dato?

Centro di dato ta un infrastructura fundamental pa operacion di servicio manera almacenamento na ‘cloud’, red social, inteligencia artificial y plataforma di streaming.

Su consumo di energia ta halto y constante, pasobra servernan mester keda activo 24 ora pa dia pa garantisa disponibilidad continuo di internet, aplicacion y servicio digital.

Ademas, e ekipahenan aki ta genera gran cantidad di calor, loke ta rekeri uso di sistema intensivo di ‘refrigeracion’, manera airco y sistema industrial di friamento.

E sistemanan aki ta representa un parti importante di consumo electrico total di centro di dato, pasobra nan ta esencial pa preveni fayo y mantene ekipahe operacional.