Hulanda a informa cu lo stop di stempel paspoort na puntonan di control na fronteranan Hulandes den Europa, pero na e parti Caribense di Reino, un sistema similar ta keda ausente pa awo.

Mientras cu Europa ta cambiando pa un solo sistema di registro digital, islanan manera Aruba y Corsou ya caba ta trahando riba nan propio solucion sin un conexion na e sistema Europeo nobo.

Segun medionan local, e stempel tradicional na Europa lo keda reemplasa pa e asina yama Entry/Exit System (EES), cual ta un base di dato den cual e movementonan di biahe di ciudadanonan cu no ta di e Union Europeo ta digitalmente graba, incluyendo data biometrico manera fingerprint y scan di cara. E sistema aki ta aplica solamente na e area yama Schengen y pa e motibo aki no ta aplica na e partinan Caribense di Reino.

Na Corsou, e digitalisacion di e procesonan na frnotera ya caba tin un tempo andando. E pasaheronan mester yena un formulario di inmigracion di adelanta, e asina yama DI Card, cual a reemplasa e formularionan den papel despues di nan yegada. Segun e sistema su website oficial, e data ta procesa di manera digital di adelanta pa haci e proceso despues di yega mas lihe. Similar na e sistema cu Aruba ta usa, e asina yama ED Card, cual tin esencialmente e mesun funcion, tambe completa online prome cu e biahe, pero toch ta sistemanan separa cu cada isla ta maneha di manera independiente.

Ademas, Corsou ta experimentando cu Curacao Express Pass. Via e sistema aki, e pasaheronan ta upload e detayenan di nan paspoort y informacion biometrico di adelanta, despues di cual nan por pasa via e puntonan automatisa cu reconocimento facial despues di nan yegada. Segun e autoridadnan di e aeropuerto, esaki tin intencion di mehora fluho y reduci tempo di cu mester warda.

Na Boneiro, Sint Eustatius y Saba, e situacion ta diferente. Na e paisnan aki, control na frontera te ainda ta tuma luga di manera tradicional, bao supervision di Marechaussee, sin un sistema digital integra manera EES.

E consecuencia ta cu diferente sistema ta coexisti dentro di un solo Reino. Mientras cu Europa ta optando pa un registro central y intercambio di data, e islanan den Caribe ta desaroyando nan propio aplicacion digital, traha na e midi di nan escala y practicanan di turismo.

Pa pasaheronan, esaki ta nifica un diferencia den experiencia. Esnan cu biaha via Schiphol lo enfrenta registro biometrico y un tracking digital dentro di e area Schengen. Esnan biahando directamente pa Aruba of Corsou, ta pasa door di un sistema diferente y local.