(Infobae) – James Webb Space Telescope a permiti identifica puntonan cora chikito den universo tempran cu por transforma comprension di origen di ‘black hole’ supermasivo.

Un descubrimento di University of Texas na Austin, publica den The Astrophysical Journal, ta describi e fuentenan di luz compacto y enigmatico aki, cu lo por duna evidencia clave riba formacion rapido di obhetonan masivo despues di Big Bang.

Segun investigacion, e puntonan cora ta mustra luz infracora intenso y ta hopi mas chikito cu galaxianan tipico. Analisisnan ta sugeri cu nan ta coresponde na regionnan cu densidad halto di gas y, diferente di galaxia hoben, nan no tin un poblacion stellar significativo.

Volker Bromm, profesor di astronomia y co-director di Centre for Cosmic Frontiers, a splica: “E Little Red Dots awo ta ser considera como alimenta pa ‘black hole’ supermasivo cu ta rondia pa un gran ‘cocoon’, un nubia di material di gas cu densidad halto.”

Estudio ta sugeri cu e obhetonan aki ta representa un etapa avansa den formacion di ‘black hole’ supermasivo via collapse directo di nubia grandi di gas primitivo, sin necesidad di morto prome cu e strea masivo. E hipotesis aki, conoci como hipotesis di “simia pisa”, ta diferente di modelo tradicional cu ta atribui origen di e fenomenonan aki na crecemento gradual di resto stellar of “simia leve”.

Kico ta e puntonan cora identifica pa James Webb?

Telescop Webb a permiti cientificonan observa un clase nobo di obhetonan extremadamente compacto y luminoso yama “puntonan cora”. Nan ta destaca pa nan rango inusual y nan ubicacion den ambiente cu densidad halto di gas, reforsando idea cu nan ta nucleonan galactico activo domina pa ‘black hole’.

Simulacionnan ta mustra cu si origen tabata principalmente for di resto stellar, lo mester tin un cantidad mas grandi di e puntonan aki. Sinembargo, presencia mas abao cu a observa ta sostene hipotesis di collapse directo, unda un nubia di gas por forma un black hole di 10,000 te un miyon biaha masa di Solo den un tempo hopi cortico.

“Haya ‘black hole’ den universo tempran ta un sorpresa grandi paso ta bay contra modelo standard di con universo ta forma su structura for di piesa chikito,” Bromm a comenta.

Rol di simulacion y tecnologia den investigacion

Pa compronde e procesonan aki, teamnan di investigacion a usa tecnica avansa di supercomputacion y modelonan manera A-SLOTH. Calculo realisa riba supercomputernan manera Lonestar6 y Stampede3 (Texas Advanced Computing Center) tabata crucial pa analisa dato for di James Webb y simula condicionnan di universo menos cu mei miyon aña despues di Big Bang.

“E reto mas grandi awo ta basicamente un problema di supercomputacion: compronde dato cu ta bini for di JWST riba e prome galaxianan, cuminsando cu universo tempran y avansando den tempo pa soluciona e conhunto di ecuacion diferencial conecta,” Bromm a agrega.

Modelo A-SLOTH ta permiti compara prediccion teorico cu propiedad y estadistica di e puntonan cora, duna apoyo na hipotesis di collapse directo. Autornan a aclara cu e simulacionnan ta explora diferente trayecto evolutivo di e structuranan cosmico, permitiendo ahusta variable manera cantidad di gas disponible, nivel di metal y rata di ‘acrecion’.

Resultado ta indica cu ambiente cu presencia hopi abao di elemento pisa (“metalicidad abao”) ta faborece formacion di ‘black hole’ via collapse directo, un condicion compatible cu e puntonan cora observa.

Descubrimento di e puntonan cora ta sugeri cu relacion entre formacion di strea, galaxia y ‘black hole’ den universo tempran por ta diferente di loke tabata pensa anteriormente.

Investigacion futuro lo busca midi “metallicidad” den ambiente rond di e obhetonan, usando capacidad di Telescop James Webb pa determina si ‘black hole’ of strea a forma prome.

Determina nivel di metal den e ambientenan aki lo ta clave pa reconstrui evolucion cosmico y identifica origen berdadero di e sistemanan extremo aki. Asina, caracterisacion di e puntonan cora por resolve misterio di procesonan dominante den universo tempran y duna dato riba aparicion di e elementonan y structuranan mas compleho den historia cosmico.