Marinierskazerne Savaneta un biaha mas lo habri su portanan pa publico dia 1 di mei 2026. For di 10:00 AM pa 4:00 PM, tur hende ta calurosamente bon bini pa tira un bista exclusivo paden di Korps Mariniers.
E Open Dag ta un oportunidad unico pa siña mas di Korps Mariniers y e diferente servicionan di siguridad cu hunto ta percura pa siguridad di Aruba. Guardacosta di Caribe, Cuerpo Policial di Aruba, y Brandweer di Aruba tambe lo ta presente pa mustra nan trabou cu demostracionnan impresionante y actividadnan interactivo.
Durante e dia habri, bishitantenan lo tin e oportunidad unico pa participa activamente den varios actividadnan emocionante. Por ehempel, nan por subi riba awa y nabega riba e FRISC, un boto rapido y agil cu ta garantisa un experencia espectacular. Adicionalmente, ta posible pa core riba e Anaconda. Pa esnan cu ta prefera haltura, tin un stacion di rappel unda participantenan por baha trankil bao di supervision. Tambe a considera accion riba tereno: na e tent di tiramento di paintball, bishitantenan por test nan habilidadnan di tiramento den un ambiente dificil y dibertido.
Bishitantenan tambe por disfruta di snacknan dushi na e food courtnan y wak e varios tent di mercado pa cumpra cosnan dibertido. Un gran highlight ta e Super Lottery, unda por gana premio nan maraviyoso. E entrada di benta di carchi ta bay pa dos instancia caritativo: Fundacion Snoop Doggy y Favi. Ambos causa ta dedica na e comunidad riba Aruba. CoolFM y FreshFM lo brinda musica en bibo durante henter dia y tambe lo transmiti bibo for di Marinierskazerne.
Keda na altura di e ultimo noticia y actualisacionnan.
Sigui e pagina di Facebook di Open Day na https://www.facebook.com/Opendagmarinierskazerne
y download e app ‘MSK Open Dag’ for di App Store (iOS) of Play Store (Android) pa bo ta sigur cu bo no ta perde ningun noticia.
Pasa, descubri e trabou di Marina Real di Hulanda y su partnernan, y sostene dos iniciativa local maraviyoso na mesun momento!
