(AFP)—E Organisacion Mundial di Salud (WHO) a bisa diamars cu progreso den elimina hepatitis ta keda slow, mientras cu hermentnan ta disponible pa elimina e malesa cu ta mata mas cu 1 miyon hende anualmente.
WHO a bisa cu hepatitis B y C—e dos infeccionnan responsable pa 95% di morto global relaciona cu hepatitis, a tuma 1,34 miyon bida den 2024. Mas cu 1,8 miyon infeccion nobo ta ser registra tur aña,” el a bisa.
“Progreso ta demasiado slow y desbalansa,” hefe di WHO Tedros Adhanom Ghebreyesus a bisa den un declaracion. “Mientras nos tin e hermentnan pa elimina hepatitis, mester aumenta urgentemente prevencion, diagnosis y tratamento.”
Hepatitis ta un inflamacion den higra causa pa un variedad di virusnan contaminante y agentenan no contaminante cu ta resulta den varios problema di salud, incluyendo daño severo na higra y cancer.
Tin cinco variante, unda B y C ta infeccionnan principal mortal. Den su rapport Global Hepatitis Report 2026, WHO a calcula cu 287 miyon hende tabata bibando cu infeccion cronico di hepatitis B of C den 2024.
E agencia di salud di UN a bisa cu di e 240 miyon hende cu hepatitis cronico B den 2024, menos cu 5% tabata ricibiendo tratamento. Apenas 20% di hende cu hepatitis C a ser trata desde 2015.
Seis pais ta den e top 10 pa mortonan relaciona cu hepatitis B y C: China, India, Indonesia, Nigeria, Sur Africa and Vietnam.
“Tur diagnosis perdi y infeccion no trata debi na hepatitis viral ta representa un morto prevenible,” segun Tereza Kasaeva, director di e departamento di WHO cubriendo hepatitis, a enfatisa den e declaracion.
WHO a bisa cu e hermentnan pa haci e trabao ta disponible caba. E vacuna contra hepatitis B ta protege mas cu 95% di ricipiente contra infeccionnan agudo y cronico. Tratamento antiviral duradero pa hepatitis B por yuda maneha efectivamente infeccion cronico y preveni malesa severo di higra.
