Recientemente, Oficina Central di Estadistica a publica e Indice di Prijs di Consumo pa e periodo April 2025 – April 2026. Den esaki, a nota cu e CPI a aumenta cu 0,8 porciento, y ocho di diesdos sector a registra un aumento di prijs.

Indice di Prijs di Consumo

Den e ultimo diesdos (12) luna, e CPI a subi cu 0,8%, unda ocho (8) di e diesdos (12) sectornan a registra aumento di prijs. E aumentonan cu tabatin e mayor efecto riba e CPI a ser registra pa e sectornan di “Transporte” (3,3%), “Cuminda y bebida no- alcoholico” (3,4%), “Restaurant y hotel” (6,3%), “Comunicacion” (3,1%) y “Restante bienes y servicio” (2,0%) causando un efecto di respectivamente, 0,43, 0,39, 0,32, 0,27 y 0,24 ppt. E aumentonan den e sectornan restante a contribui cu un efecto di 0,25 ppt riba e CPI di april 2025 te cu april 2026.

E aumentonan aki a ser contraresta parcialmente door di un caida den e indice di e sector di “Mobilario” (-8,5%), cu a contribui cu un efecto di -0,76 ppt. E caidanan den e sectornan restante a contribui cu un efecto di -0,37 ppt riba e CPI di april 2025 te cu april 2026. E aumento den e sector di “Transporte” a ser causa principalmente door di un aumento 4,1% den e categoria “Gasto relaciona cu uso di vehiculo di transporte personal”, causando un efecto di 0,33 ppt. E aumento den e sector di “Cuminda y bebida no- alcoholico” a ser causa principalmente door di un aumento di 3,2% den e categoria “Cuminda”, causando un efecto di 0,33 ppt. E aumento den e sector di “Restaurant y hotel” a ser causa door di aumento den e categorianan “Cuminda afo di cas” (3,8%) y “Servicio di alohamento” (88,4%), causando un efecto di respectivamente 0,19 y 0,13 ppt. E aumento den e sector di “Comunicacion” a ser causa door di un aumento den e categoria “Ekipo di telefon y fax” (47,0%), causando un efecto di 0,27 ppt. E aumento den e sector di “Restante bienes y servicio” a ser causa door di aumento den e categorianan “Cuido personal” (3,5%) y “Otro articulonan personal” (7,9%), causando un efecto di respectivamente, 0,14 y 0,10 ppt.

E caida den e sector di “Mobilario” a ser causa principalmente door di un caida den e categoria “Aparato pa uso domestico” (-27,1%), causando un efecto di -0,69 ppt.

Canasta di consumo

Den e ultimo aña cu a pasa 51,2% di productonan den e canasta di consumo di e CPI a conoce un aumento di prijs causando un efecto di 2,76 ppt, mientras cu 36,8% ta mustra un caida di prijs, cu a contribui cu un efecto di -1,99 ppt y pa e restante 12,0% no tabatin cambio den prijs. E indice di “Bienes” (-0,1%) a registra un caida y causando un efecto di -0,06, mientras cu e indice di “Servicionan” a registra un aumento di 2,0% y a contribui cu efecto di 0,83 ppt riba e CPI.

Bestaansminimum

Den e ultimo diesdos (12) luna e bestaansminimum pa un hogar consistiendo di dos (2) adulto y dos (2) mucha (edad 0-14) a registra un aumento di Afl. 75, di Afl. 5,513 na april 2025 pa Afl. 5,588 na april 2026. E aumento aki a ser causa principalmente door di aumentonan den e sectornan di “Cuminda y bebida no- alcoholico” (Afl. 78) y “Vivienda” (Afl. 14).

Cambio di prijs di petroleo, utilidad, gasolin y diesel

E prijs promedio pa bari di petroleo a conoce un aumento di US$ 35,65 (55,5%) di US$ 64,22 na april 2025 pa US$ 99,87 na april 2026.

E indice di Energia a subi cu 1,3% den e ultimo aña y a causa un efecto di 0,21 ppt. E indicenan di “Gasolin” (3,4%) y “Diesel” (19,5%) a registra aumentonan, causando un efecto di respectivamente, 0,15 y 0,06 ppt riba e CPI. E indicenan di

“Electricidad” y “Awa” no a registra cambio, mientras cu e restante 404 bienes y servicio hunto, a conoce un aumento di 0,7% y tabatin hunto un efecto di 0,56 ppt.

Cambio di prijs di Cuminda y servicio di catering

Den e ultimo diesdos (12) luna e indice di “Cuminda & servicio di catering” a subi cu 3,5%. E indice di “Cuminda na cas” a conoce un aumento di 3,4%, unda nuebe (9) di e diesun (11) indicenan di e gruponan di “Cuminda na cas” a subi durante e periodo aki. E indice di “Berdura” a conoce un aumento di 7,2%, e aumento mas grandi entre e gruponan di “Cuminda na cas”. Ademas, otro aumentonan significante a ser registra den e indicenan di “Sucu, jam y otro tipo di cos dushi” (6,9%), “Fruta” (5,5%), “Bebida no- alcoholico” (4,4%), “Carni” (3,9%) y “Restante productonan pa alimentacion” (3,4%). E caida mas grandi durante e periodo aki a ser registra den e indice di “Batata, yuca y batata dushi” (-8,1%).

E indice di “Cuminda pafo di cas” a registra un aumento di 3,8% den e ultimo diesdos (12) luna. Den e ultimo diesdos (12) luna, “Cuminda na cas” y “Cuminda pafo di cas” como grupo, tabatin un aumento di prijs di 3,5% y hunto tabatin un influencia di 0,58 ppt riba e CPI, mientras cu e restante bienes y servicio hunto a experencia un aumento di prijs di 0,2% y tabatin un efecto di 0,19 ppt riba e CPI.