(AFP) – Presidente Mericano Donald Trump a haci yamado diasabra pa e cancelacion di conciertonan binidero den celebracion di Merca su di 250 aniversario despues cu varios acto musical a retira, bisando cu nan mester keda reemplasa pa un rally politico encabesa pa e mes.
“Nos mester tin un MAKE AMERICA GREAT AGAIN RALLY gigante, pa 250, na luga di tin cantantenan cu prijs demasiado halto, cu ningun hende kier tende, ken su musica ta laaf y no ta haci nada mas cu keha,” Trump a publica riba Truth Social Platform, agregando: “Cancel’e.”
Poco despues cu nan a keda anuncia como acto den un serie di concierto na Washington alrededor di e celebracion di dia 4 di juli, varios artista a retira, cu algun citando e tono polotico di e evento.
E conciertonan tabata den plan pa cuminsa dia 25 di juni como parti di un evento grandi na National Mall organisa pa Freedom 250, un entidad publico-priva cu sosten di Trump.
“Mi ta compronde cu e artistanan ta hayando ‘the yips’” tocante e show, Trump a bisa riba Truth social, un dia despues cu un di 4 y di 5 artista a anuncia nan salida, di un total di 9 artista cu a anuncia originalmente.
“Pues mi ta pensando di trece e atraccion number 1 den mundo, un homber cu ta haya audiencianan mas grandi cu Elvis den su temponan/// y un homber cu algun ta bisa ta e Miho Presidente den Hitoria (THE GOAT!), DONALD J. TRUMP, pa tuma e posicion di e artistanan aki.”
Trump a bisa cu e lo duna orden pa “evalua e posibilidad di haci un AMERICA IS BACK Rally” na e mall, unda e lo duna un speech cu ta “rally e pais padilanti manera mi a haci desde cu mi a bira Presidente!”
Riba diabierna, artistanan incluyendo cantante Martina McBridge y Bret Michaels, cara di e banda Poison, a bisa cu nan no lo participa den e serie di concierto.
“Desafortunadamente, loke a presenta na nos como un celebracion di nos pais a bira algo hopi mas divisivo di loke mi a acepta pa forma parti,” Michaels a publiac riba Facebook.
Trump abiertamente a purba pone su marca riba e celebracionnan, notablemente organisnado un pelea di arte marcial den un arena specialmente construi na e tereno di Cas Blanco dia 14 di juni – su di 80 cumpleaños.
E resto di musico, ken su momentonan di popularidad a bin y bay decada atras – manera Vanilla Ice y C+C Music Factory – a causa un inundacion di comentario sarcastico riba rednan social.
