Recientemente, Oficina Central di Estadistica (CBS) a publica e Indice di Prijs di Consumo (CPI) pa luna di mei. Den esaki, a nota cambio di prijs di petroleo, utilidad, gasolin y diesel na mei 2026.
Prijs di utilidad (electricidad y awa), gasolin y diesel ta determina primordialmente door di e prijs internacional di petroleo.
Na mei 2026 e prijs promedio pa bari di petroleo (US$ 102,34) a conoce un aumento di US$ 2,47 (2,5%) compara cu april 2026 (US$ 99,87).
Prijs di electricidad y di awa no a cambia compara cu april 2026. Consecuentemente, e prijs promedio di electricidad pa vivienda a keda Afl. 263,67, mientras cu e prijs promedio di awa pa vivienda a keda Afl. 168,73. Prijs di gasolin a registra un subida di Afl. 17,20 cen (6.9%) na mei 2026 y tabatin un efecto di 0,32 ppt riba e CPI.
Prijs di diesel a registra un aumento di Afl. 10,50 cen (4,3%) na mei 2026 y a causa un efecto di 0,02 ppt riba e CPI.
Na mei 2026, utilidad, gasolin y diesel como grupo, tabatin un aumento den prijs di 2,1% compara cu april 2026 y hunto tabatin un influencia di 0,33 ppt riba e CPI, mientras cu e restante 404 bienes y servicio hunto, a conoce un aumento di prijs di 0,8% y tabatin un efecto di 0,68 ppt riba e CPI.
