(AFP) – Corte a detene mama di un homber Sikh Britanico sentencia na prison pa stacamento fatal di un studiante diabierna, pa motibo cu el a purba sconde e cuchiu usa den e asesinato.
Henry Nowak tabatin su man mara na boei pa polis den december mientras e tabata muriendo, despues cu su atacador, Vickrum Digwa, falsamente a acusa cu e tabata victima di abuso racial.
Digwa, di 23, a ricibi sentencia di por lo menos 21 aña na juni pa e crimen contra Nowak usando un cuchiu di 21 centimenter na Southampton despues di un discusion pa un celular.
E caso a hala atencion di figuranan ultra-derechista cu a bisa esaki ta un ehempel di asina yama “two-tier policing,” den cual oficialnan ta mira como figuranan cu ta lidiando cu minorianan etnico di manera menos estricto.
Digwa su mama, Kiran Kaur di 53 aña, a ricibi sentencia diabierna na Southampton Crown Court di 3 aña den prison pa a bay cu e cuchiu for di e escena, hibando esaki cas.
“Un mayor responsable lo a papia cu su yiu tocante nan accion y encurasha nan pa haci lo corecto,” hues William Mousley a bisa.
“Na luga di esey, bo a bay cu e cuchiu cas y a pon’e cu un coleccion mas grandi di otro arma den camber di bo yiu. “Esey lo a yuda pa sconde loke el a haci.”
Mously a agrega cu Kaur su accionnan “a agrega na bo yiu homber su pensamento cu e no a haci nada malo y cu e tabata e victima.”
Fiscal Nicholas Lobbenberg a bisa corte, cu e “ausencia di e arma ey a laga Henry ta muri cu miedo, su so y sin por kere e situacion.”
Su abogado di defensa, Mark Watson, a bisa cu Kaur su actonan a surgi for di un “momento di panico” despues di un yamada anochi laat cu Digwa.
“E arma no tabata destrui, e no tabata limpia, e no tabata kibra y scondi,” el a bisa.
