Inflacion, devaluacion y frenamento petrolero ta crea un “mescla explosivo” den economia di Venezuela

(Infobae) – Economistanan ta adverti cu politica fluido di gobierno interino di Delcy Rodriguez ta pone presion riba aumento di prijsnan, mientras ta “kima” alrededor di $9 biyon y ritmo di crecemento economico ta keda mas abao cu loke tabata spera.

Pa standardnan Venezolano, inflacion na mei tabata asina abao cu hasta encargado di negoshinan di Merca, John Barett, a celebra desempeño di economia.

Sinembargo, dos luna despues, prijsnan a bolbe subi fuertemente. Banco Central di Venezuela (BCV) a registra na juli un inflacion di 19,9%, hibando inflacion interanual na 576%. “Un inflacion descontrola, cu ta mustra un trayectoria insostenible y fuera di control,” economista y ex-diputado di oposicion Jose Guera a adverti.

Guera ta rechasa argumento di gobierno interino di Delcy Rodriguez, cu ta culpa e dos temblornan di 24 di juni pa e aumento nobo den costo di bida. E ta recorda cu e temblornan a afecta principalmente Caracas y estado La Guaira, cu a ser declara zonanan di desaster, pero no a afecta distribucion di producto y alimento den henter e pais.

Segun e economista, aumento di inflacion ta resultado di e devaluacion grandi di moneda cu e regimen a aplica luna pasa, cu un aumento di casi 18% den tipo di cambio. Actualmente, e tarifa oficial ta na 771 bolivar pa un dollar, mientras cu prome cu juli e tabata na 633,36 bolivar pa dollar.

Guera ta señala cu BCV a “kima” aproximadamente $9 biyon, ekivalente na casi 63% di entrada petrolero, den un politica fluido cu te awor no a produci resultado positivo. E ta indica cu desaceleracion di actividad economico, cu un tasa di crecemento mas abao cu loke tabata spera, combina cu inflacion y devaluacion, ta crea un “mescla explosivo” cu ta pone Venezolanonan den un situacion cada bes mas dificil.

Crecemento slow

Decano di Facultad di Ciencia Economico y Social di Universidad Metropolitana, Luis Oliveros, a expresa preocupacion tocante e cambio den produccion petrolero. “Na januari nos tabata na 924.000 bari pa dia, y na juli nos ta na 1,2 miyon bari pa dia. Esaki ta 276.000 bari adicional pa dia den apenas shete luna, un aumento di casi 30%. Sin duda, esaki ta bon noticia pa un economia cu tin mester di divisa y actividad,” e academico a observa.

Sinembargo, Oliveros ta señala cu e frenamento den e ultimo dos luna ta obliga di baha expectativa.

Tocante desempeño general di economia, e profesor ta conclui cu mientras depreciacion di tipo di cambio sigui halto, presion riba prijsnan lo keda significativo.

Esaki ta afecta poder di compra di ciudadanonan, costonan di companianan y capacidad di famianan y negoshinan pa plania nan finansa y gastonan.