Partido Red Democratico a tuma nota di e declaracion di minister Gerlien Croes, cu den e gobiernonan anterior nada no a wordo haci pa mantencion di scolnan. Esaki ta un mentira.
Nos ta publica parti di e overdrachtsdocument di ex-minister di Educacion, Armando ‘Rudy’ Lampe, c uta mustra tur e trabaonan cu a ser haci pa infrastructura di nos scolnan, y a laga den e presupuesto di 2021 e suma cu a usa pa renoba Scol St. Aloysius na Noord. A scoge pa pasa Juliana y Beatrix school pa un universidad medico priva internacional cu lo a renoba tur dos scol sin cu lo a costa gobierno ni un cen y lo a trece studiantenan di afo pa biba den caya grandi.
Mientras tanto, ex-minister Lampe a percura pa Beatrix school tin su mesun edificio banda di Postkantoor na Playa cu ta funcionando. Y e plan cu a laga tabata cu Juliana school lo a integra den Colegio Arubano y cu lo a bira un MAVO-HAVO-VWO school, mescos cu Mon Plaisir y de Schakel. E cantidad di alumnonan na Colegio Aruba a baha y tin espacio pa por a haci e integracion aki, sin cu a costa gobierno ni un cen.
E montantenan di inversion asigna ta inclui den Tabel 3, y den Tabel 4 tin un resumen di e trabounan di infrastructura cu a wordo realisa.
