(NLTimes) – Vice alcalde di Amsterdam Esmah Lahlah a yama inaceptabel cu muchanan vulnerabel na Amsterdam, cu a separa for di nan mayor pa motibo di problemanan “Serio,” tin biaha ta poni den cuido fuera di e ciudad.

E problema awo a manifesta su mes na Levvel, e ciudad su proveedor di cuido hubenil mas grandi, ken no ta aceptando muchanan nobo casi, segun reportahe di Het Parool basa riba comunicacion evalua entre e ciudad y e organisadornan di cuido di salud.

Levvel awo no tin suficiente posicion, mirando cu e salida di esnan cu ta ricibi cuido ta limita y e fondonan disponibel ta demasiado abao. Acudi na otro proveedor na Amsterdam no ta un solucion, mirando cu otro organisacionnan tambe aparentemente ta yen y hopi biaha no ta provee tur forma di cuido cu Levvel ta haci. Consecuentemente, decenas di mucha y hoben hopi biaha ta termina miyanan leu di Amsterdam.

“Den consulta cu e ciudad, Levvel mester a conclui cu para admision ta algo cu no por evita,” segun un di e email evalua pa Het Parool. E paro aki lo aplica por lo menos “te resto di 2026.” Esaki, na su turno, lo afecta cuido di salud mental clinico, shelter di crisis, casnan di grupo chikito, casnan di famia, facilidadnan di bida cu sosten y otro organisacionnan.

Segun Eva Mulder, profesor special di sosten pedagogico intensivo pa famianan for di University of Amsterdam y Netherlands Youth Institute cual ta afilia, pone muchanan di Amsterdam fuera di e ciudad ta contra e calidad di cuido. Muchanand en situacionnan dificil ta beneficia di biba den ambientenan similar, el a bisa Het Parool. E muchanan tambe ta isola for di, por ehempel, for di familiarnan cu no por bishita mas of clubnan di deporte stima na cual nan no por pertenece mas.

“Bo no kier interumpi un mucha su carera escolar. Nos sa cu esey por causa daño na prestacion academico y bienestar social y mental, incluyendo a largo plaso,” Mulder a bisa.

Adicionalmente, muda un mucha asina leu tambe ta haci dificil pa e trahadornan resolve e situacion na cas. Ademas, si bo ta leu for di un cas familiar, esaki por haci un regreso eventualmente mas dificil.

Mulder tabata sorprendi pa Levvel su accion. “E mensahe aki di ‘nos no ta tumando mucha for di Amsterdam mas’ ta genuinamente nobo p’ami,” el a bisa.

Levvel a dicidi di mantene un cama di shelter di crisis cu lo acomoda un mucha pa un anochi, “pues tin tempo pa busca otro luga.” Levvel despues a cambia esaki na 3 cama.

Levvel aparentemente ta altanto di e problema aki desde 2023. E ciudad, hunto cu Levvel, a reporta e situacion na autoridad di salud Hulandes NZa dia 17 di juni. Esaki ta nifica cu e regulador por monitor si e muchanan ta ricibi cuido apropia of no.

Segun Levvel, e fluho aki stagna di recipientenan di cuido ta pa motibo cu varios ta keda cu e organisacion na un base strcutral pa mas di loke e presupuesto ta cubri. Sigui di e manera aki por resulta den “escasez financiero substancial” e aña aki. Ora puntra tocante e tamaño di e posibel escasez, Levvel a contesta, “un tamaño serio.”

E organisacion tambe a bisa cu por kita e medida na momento cu e salida di recipientenan mehora.