(AFP) – Un holoshi Suiso di luho, na balor di como $290.000 cu a ser horta for di un tienda na Tokyo siman pasa, a keda debolbi cu un nota di disculpa, segun medionan local.
E hortamento a tuma lugar ora un homber posando como un cliente a pas e holoshi Audemars Piguet y djey a huy di e tienda den e capital Hapones mientras ainda e holoshi tabata riba su pols.
Pero e caso a dal un buelta ora e tienda a ricibi un pakete conteniendo e holoshi – y un nota escrito bisando sorry, corant Asahi Shimbun y otro medionan a reporta dialuna, citando fuentenan investigativo anonimo.
E nomber serial di e holoshi a identific’e como e articulo horta.
E tienda a nenga di duna comentario pa AFP.
Polis di Tokyo ainda t abuscando e homber sospecha di a comete e robo, segun corant Asahi.
Na augustus, cuatro holoshi di luho na balor di 200 miyon yen ($1,3 miyon) a ser horta for di otro tienda den e mesun compleho di tienda.
