(CuraçaoChronicle) – Parlamentario di partido PNP Ruisandro Cijntje ta haciendo yamado pa un investigacion urgente tocante posibel corupcion, interferencia politico, mal maneho y mal uso di fondo publico dentro di sector di deporte di Corsou.
E parlamentario ta adverti cu interesnan personal y luchanan pa poder por debilita decadanan di trabao cu e atleta, coach, administrador di deporte y boluntarionan a haci.
Den un declaracion cu palabra fuerte riba diamars, november 3 na 2026, Cijntje a expresa preocupacion serio tocante e maneho di facilidadnan di deporte, e nombramento di administradornan di deporte y e transparencia di inversion di gobierno den infrastructura di deporte.
Su intervencion ta bini despues di preocupacion cu varios administrador di deprote y ex atletanan a trece dilanti durante un programa di radio local riba diadomingo.
Tumando for di su propio experiencia como atleta y administrador di deporte, Cijntje a bisa cu e situacion ta rekeri atencion inmediato for di gobierno y autoridadnan relevante.
Segun e parlamentario, Corsou no por permiti interesnan politico, faboritismo of posibel corupcion pone den peliger e desaroyo di deporte riba e isla.
Preguntanan tocante miyones inverti den facilidadnan di deporte
Un di Cijntje su preocupacionnan principal ta involucra e alocacion di facilidadnan di deprote y e maneho di inversionnan publico.
E ta argumenta cu e distribucion y uso di facilidadnan di deporte mester ta goberna pa criterio cla y transparente na luga di conexion politico of faboritismo.
E parlamentario tambe a trece dilanti pregunta tocante inversion cu ta bal miyones di florin den facilidadnan di deporte, yerba artificial y instalacion di luz.
Segun Cijntje, e publico tin derecho di sa con hopi placa a inverti, cua companianan a ricibi e contractnan y si e calidad di e trabao completa ta hustifica e cantidad cu a inverti.
E ta kere cu mas transparencia ta necesario pa sigura cu recursonan publico designa pa desaroyonan di deporte ta usa di manera apropia.
E declaracion no ta identifica contract, companianan, ni proyectonan cu aparentemente ta involucra den comete algun eror. Tampoco e no ta presenta evidencia cu ta establece corupcion of mal uso di fondonan publico.
Cijntje pa e motibo aki ta haci yamado na un investigacion pa determina si irregularidadnan a sucede.
Influencia politico tocante organisacionnan di deporte
E parlamentario tambe a expresa preocupacion tocante interferencia politico den e maneho di organisacionnan di deporte.
E ta kere den nombracion na posicionnan di liderazgo y cu nan mester ta basa riba competencia profesional, integridad, conocemento di e deporte y un respet pa administradornan experiencia cu a contribui na e desaroyo di Corsou su institucionnan di deporte.
Segun Cijntje, influencia politico no mester determina ken ta ricibi responsabilidad pa maneha facilidadnan di deporte y clubnan.
Mientras ta reconoce cu sponsor ta importante pa financia e actividadnan di deporte, Cijntje a argumenta cu contribucionnan financiero nunca mester duna individuonan e derecho pa ignora regulacionnan, influencia decisionnan di manera inapropia of controla organisacionnan di deporte.
El a condena mas aleu tambe intimidacion, presion, abuso di poder y conflicto di interes involucrando administradornan di deporte y boluntarionan.
E parlamentario ta kere cu e practicanan aki, si permiti nan sigui, por debilita e independencia di organisacionnan di deporte y desencurasha hende for di contribui na e sector.
5 exigencia pa accion gubernamental
Cijntje ta urgi gobierno y autoridadnan competente pa investiga indicacion di posibel corupcion, iregularidad y mal uso di fondo publico den deporte.
Tambe e kier procedura transparente pa aloca facilidadnan di deporte, otorga contract y aproba inversion.
Otro prioridad ta proteha federacionnan di deporte y clubnan for di interferencia politico.
E parlamentario ta haci yamado pa medidanan cu ta atende intimidacion, abuso di poder y conflicto di interes dentro di administracion di deporte.
Finalmente, e kier gobierno desaroya un plan nacional pa restaura y fortalece competencianan di deporte, for di liga hubenil te campeonatonan adulto.
Cijntje ta mantene cu e medidanan aki ta necesario pa proteha e integridad di Corsou su sector di deporte y garantisa cu atletanan y boluntarionan por sigui nan trabao sin influencia inapropia.
Deporte mester sirbi publico
E parlamentario a enfatisa cu Corsou su logronan deportivo ta e resultado di decada di dedicacion y sacrificio.
Atleta, coach, administrador y boluntarionan a contribui na e isla su reputacion internacional, hopi biaha invertiendo tempo personal y recurso considerabel.
Cijntje ta kere cu e contribucionnan aki no mester keda debilita pa ambicionnan personal of luchanan pa poder politico.
El a adverti cu no atende e preocupacionnan awo cu por tin consecuencia duradero y generacionnan futuro di atleta.
Pa Cijntje, proteha e integridad di administracion di deporte ta esencial pa no solamente mantene confiansa publico pero tambe pa sigura cu Corsou su institucionnan di deporte ta keda capaz di desaroya talento y exito internacional di sosten.
