(AFP) – Legisladornan Mericano a haci yamado diamars pa mas investigacion criminal contra asociadonan di criminal sexual conoci Jeffrey Epstein, den un rapport cu ta culpa fiscalnan, institucionnan financiero y otro conexionnan poderoso cu a permiti su abuso sigui cana pa varios aña.
E saga di Epstein a golpia President Donald Trump, ken tabata amigo di e financiero pa varios aña pero a rechasa cu e tabatin conocemento di su crimennan.
Acusacionnan cu Trump a cubri gran parti di e investigacion a haci e separacion mas grandi cu e President su fuente di sostenedornan despues cu el a regresa Cas Blanco.
House Oversight Committee, lidera pa Republicanonan, a urgi e departamento di husticia entrevista of bolbe entrevista testigonan clave y persigui acusacionnan contra dos hende homber prominente cu tabata asocia cu e financiero desgracia.
Ex-alcalde di Miami Beach Philip Levine y estilista di celebridad Frances Frederic Fekkai ambos ta rechasa acusacionnan di agresion sexual – referi na fiscalnan federal pa e comite na juni – for di Epstein su assistent di hopi tempo Sarah Kellen.
E rapport tambe ta haci yamado pa mas interogacion di otro assistent di Epstein, Lesley Groff, tocante su posibel conocemento di Epstein su crimennan. Groff a mantene cu nunca el a sospecha di Epstein y cu e tabata abusa hende y mucha muhe sexualmente – testimonio cu investigadonan Republicano a describi como no creibel.
E recomendacionnan a surgi for di un investigacion di 15 luna den congreso involucrando testimonio di figuranan prominente den Epstein su circulo financiero y social y den un examinacion extenso di gobierno y recrodnan bancario.
“Epstein tabata opera cu impunidad, proteha y impulsa pa conexionnan poderoso y un sistema di husticia cu den varios ocasion a faya su victimanan,” president di e comite James Comer a bisa.
E rapport a conclui cu Epstein su crimennan despues di 2005 por a ta preveni si investigadornan federal y fiscalnan persigui e acusacionnan original contra su persona di manera mas agresivo.
Na luga di esey, fiscalnan na Florida a yega un acuerdo controversial na 2007 cu ta permitie scapa cargonan federal a cambio di declara su mes culpabel na ofensanan mas chikito estatal.
Epstein a ricibi un sentencia di 18 luna den prison, pero a cumpli 13 luna so, cu privilegionan extenso di libertad relaciona cu trabao durante cual el a sigui abusa di victimanan, segun e rapport a detaya.
E investigacion tambe a acusa institucionnan financiero di ignora transaccionnan sospechoso y senalnan di advertencia di trafico humano, nombrando American Express.
Legisladornan a urgi Departamento di Economia examina si banconan ta apropiadamente reportero actividad sospechoso conecta na trafico y labamento di placa.
E rapport tambe a critica e departamento di husticia pa expone sobrevivientenan su informacion priva durante publicacion di e documentonan di Epstein. E investigadonan Republicano a bisa cu nan no a descubri evidencia cu ta implica Trump den Epstein su crimennan y a acusa Democratanan di involucra e investigacion den politica.
Sinembargo e comite su Democrata top, Robert Garcia, a descarta e resultadonan como producto di un investigacion incompleto cu no a inclui audiencianan publico, acusando e departamento di ilegalmente wanta “mas di 2.5 miyon documento.”
Democratanan, ken a tuma control di Congeso den eleccion di medio tempo reciente, a priminti di sigui investiga Epstein su red ora cu nan asumi nan cargo na januari.
Epstein a fayece den cel di New York na 2019 mientras e tabata warda huicio pa cargonan federal di trafico sexual. Su complice, Ghislaine Maxwell ta cumpliendo un sentencia di 20 aña.
