Travelers arrive at a security checkpoint at Newark Liberty International Airport (EWR) in Newark, New Jersey, on November 15, 2026. The Trump administration said on Sunday the air travel havoc triggered by a no-takeoff order could drag on for another day, pushing back its timetable for a return to normal. Officials haved blamed Friday's (November 13) nationwide groundstop on faulty work to upgrade air traffic control communication cables. (Photo by CHARLY TRIBALLEAU / AFP)

(AFP) – E administracion di Trump a bisa ayera cu e caos di biahe causa pa un orden pa para tur vuelo por dura un dia mas, retrasando e regreso na normalidad.

Casi 2.000 vuelo mas a keda cancela y preguntanan a keda tocante con e tipo di caos aki por sigui desaroya den e economia mas grandi na mundo, un pais cu tin orguyo den su poder tecnologico. Pasaheronan pega tabata cana den aeropuerto caotico pa un tercer dia.

Oficialnan ta responsabilisa e caos di diabierna riba trabao cu fayo pa actualisa cablenan di comunicacion di control di trafico aereo.

President Donald Trump riba diadomingo a caba cu dianan di silencio cu no ta caracteristico di dje, pero esaki solamente pa tira culpa riba su predecesor Joe Biden pa e caos.

Trump a insisti cu el a hereda un desaster for di e administracion Biden y a bisa cu Congreso, cual su partido a controla pa 2 aña, mester aproba e fondo necesario pa actualisa Merca su sistema di control di trafico aereo anticua.

“E administracion di Biden tabata un desaster FAA,” Trump a bisa, refiriendo na Federal Aviation Administration. “Tur loke nan a mishi a bira malo. Hopi placa cu a malgasta, haciendo un sistema bieu y kibra pio cu ora nan a cuminsa,” Trump a sigura.

FAA su hefe Bryan Bedford a bisa diasabra cu biahe aereo di miyones di Mericano pega na aeropuertonan lo regresa na normalidad pa fin di diadomingo.

Sinembargo Secretario di Transportacion Sean Duffy a bisa diadomingo mainta cu e lo realmente tuma mas tempo pa avionnan, ekiponan y pasaheronan yega unda nan mester ta. “Pues den espacio aereo, nos ta bay mira cos bay back normal awe, pero probablemente completamente normal mañan<” Duffy a bisa riba ABC News.

“Nos a mira avion y ekipo fuera di posicion pa motibo di diabierna, pues e lo tuma un poco di tempo pa haci esey.”

‘Ami ta secretario’

Duffy tambe a rechasa completamente e yamadonan pa su renuncia pa motibo di e caos, insistiendo cu el a hereda e infrastructura di control di trafico aereo anticua, manera, el a bisa, ekipo di radar cu ta di añanan 1960.

“Pues ora cu nos ta traha y cos bay malo, claramente mi ta e secretario. Pero mi tambe tin cu reconoce kico a entrega na mi persona,” Duffy a bisa den un entrevista riba CNN.

Desde diadomingo atardi mas di 1.880 vuelo dentro di, bayendo pa of saliendo di Merca a keda cancela, segun e website cu ta monitor vuelo FlightAware.

E administracion di Trump a responsabilisa e reemplaso di un waya di koper bieu den lineanan di comunicacion cu a bay malo pa e ‘ground stoppage’ di diabierna – nificando cu ningun avion por sali.

E situacion diabierna ta marca solamente e di dos biaah cu e tipo di orden aki a ser duna pa espacio aereo di Merca, cual ta entre esnan mas druk na mundo, desde e atake di 9/11.