Un break chikito y intimo celebrando relahacion, cuido propio y e spirito autentico di Aruba
Radisson Blu Aruba ta invita residente y bishitante tuma un break bon mereci cu su Wellness Retreat cu lo tuma luga for di 10 te cu 13 di december. E experiencia aki di 3 anochi cautelosamente crea, ta ofrece un oportunidad pa laga atras e responsabilidadnan diario, recarga energia y reconecta cu nos mes.
Mas cu un break chikito di wellness tradicional, e Wellness Retreat ta celebra e spirito autentico di Aruba cu experiencianan special inspira pa e isla su naturalesa, cultura y talento local. 
Na curason di e retreat tin Wellness Practitioner Janine Vallecillos, fundadora di NATURA Holistic Aruba, ken ta trece su pasion pa bienestar holistico, mindfulness y conexion personal na e experiencia. Hunto cu Wellness Practioner local y profesionalnan creativo, e retreat ta ofrece mindful movement, meditacion, un workshop di cuido personal di aloe cu Aruba Aloe, actividadnan creativo y un ritual ‘cacao and movement’ dilanti di lama.
Cu un maximo di solamente 20 participante, e retreat ta ofrece un atmosfera intimo unda e participantenan por tuma un break for di nan rutina diario y experiencia ‘wellness’ na nan propio ritmo.

Pa residentenan di Aruba, e retreat aki ta ofrece un oportunidad pa tuma un pausa for di e responsabilidadnan diario y disfruta di un getaway refrescante aki mes riba nos isla.
Via e iniciativa aki, Radisson Blu Aruba ta sigui cu su compromiso di trece experiencianan autentico di nos isla, sostene negociantenan local y crea conexionnan valioso entre hospitalidad, wellness y e comunidad di Aruba.
E Wellness Retreat ta tuma luga for di 10 pa 13 di december, na Radisson Blu Aruba na Palm Beach. E paketenan ta cuminsa na $1,095 y cuponan ta limita.
Pa mas informacion y reservacion, bishita nos website www.bluaruba.com/wellness-retreat-2026 of manda nos un e-mail na reservations@radissonbluaruba.com.




