MERCA – Na nort di Virginia, un homber ta na spera di sentencia di bida den prizon, pa motibo di a viola y mata un adolescente Musulman, ora e mucha muhe tabata cana pa bay su moskee cu su amigonan pa servicio religioso.
Darwin Martinez-Torres di Sterling, a yega na un acuerdo aña pasa relaciona cu asesinato di Nabra Hassanen di 17 aña di edad na Reston. E acuerdo di culpabilidad ta rekeri cu e hues ta pone un sentencia pa bida sin libertad condicional, a cambio pa elimina un posibel sentencia di morto.
E morto di e hoben Hassanen a ricibi atencion amplio den media, y a landa preocupacion cu su asesinato a ser motiva pa e sentimento anti- musulman. Sinembargo e fiscal a bisa cu Martinez-Torres a ataca despues cu el a sali cu su auto pa sigui e grupo di amigo di Hassanen pa un confrontacion di rabia.
Segun e informacion, Martinez- Torres a nace na El Salvador, e autoridad di inmigracion ta bisa cu e tabata na e pais ilegal.
