Parlamento a ricibi e ley pa regla tur sorto di ‘speelschool’, crèche of otro centro pa cuida mucha. Esaki minister di Enseñansa Michelle Hooyboer-Winklaar a informa. Si parlamento lo aproba e ley aki, e centronan di mucha mester un permiso pa opera. Pero gobierno si kier yuda e centronan existente cu guia, y lo organisa charla y curso.
E minister ta splica cu e ley aki:
– gobierno ta garantisa cu crèche centronan di mucha(kinderopvang) na Aruba ta ofrece un calidad minimo cu ta responsabel y ta garantisa proteccion di e muchanan
– gobierno ta cumpli cu Tratado Internacional di Derechonan di Mucha
– ta proteha tambe e doñonan di un centro di mucha y e lidernan pasobra nan sa na cua exigencia nan tin cu tene nan mes na dje.
– mayornan por sinti nan mes mas trankil pasobra nan sa cu tin exigencianan minimo y cu tin calidad
“E ley ta considera un kaderwet unda diferente puntonan regardando e calidad minimo cu mester tin pa opera un creche, centro di mucha ta stipula. Esaki por wordo expandi den futuro segun necesidad. A scohe un concepto di vergunningsplicht pa esnan cu kier opera un centro di mucha. Ta trata aki di diferente normanan cu mester cumpli pa por opera e centro”, asina e minister ta informa den un relato.
.jpg "JZP ta un departamento pa henter Aruba “Nos no ta traha a base di sentimento, nos ta traha a base di ley”")
