Cantante Britanico, Adele tin varios siman como un di e personahenan mas mediatico. Pasobra su impactante transformacion fisico a haci cu tur hende a papia di dje. Pero awo, el a hala atencion pa su interaccion cu e rapper Skepta.
Tur cos a cuminsa na momento cu e cantante a publica dos potret riba su cuenta: un den su pidjama y otro cu un shimis elegante. Auke esaki a genera miles di likes, locual a crea realmente un revuelo tabata e comentario yamativo cu a aparece. E famoso rapper Skepta – un di e streanan mas importante di rap Britanico, cu 15 aña di carera – a parce di keda impacta pa e post di e cantante. “Por fin bo tin bo password di Instagram, haha”, el a skirbi.
Un frase simpel, pero den codigo di rednan social ta suficiente signo di ‘coqueteo’ online. Adele a mira e comentario entre e miles di otro y a contesta cu e emoji di kinipi wowo y un curason. E fanaticonan a bira loco mirando e intercambio, y speculacionnan ta aumetando minuut pa minuut.
E interaccion virtual ta duna impulso na rumornan cu tin algo entre Adele y e rapper. A papia di un relacion romantico entre nan fin di aña pasa, despues cu Adele a termina su matrimonio cu Simon Konecki.
Skepta – nomber real Joseph Junior Adenunga di 37 aña di edad – tabata vincula anteriormente cu supermodelo Naomi Campbell. Pero ya pa algun luna den prensa Britanico e ta vincula cu Adele.
Maske ningun ta confirma e romance, si ta conoci cu nan conoce otro pa varios aña. Ambos ta originario di Tottenham, y na 2016 Skepta a conta cu nan tin un amistad: “Adele ta manda mi mensahe constantemente, e ta conta mi con cos ta bay.”
