Campeonato Arubano di Landamento Sincronisa un exito total

Dianan 20 y 21 di mei ultimo AZB a organisa su competencia di mas grandi di aña pa e deporte di landamento sincronisa, esta e “Aruba National and Invitational Age Group Synchronized Swimming Championships”. E competencia tin un caracter internacional y e aña aki tawatin dos atleta di Bahamas cu a participa den categoria di 12 and under y 13-15.
Manera custumber e prome competencia tawata esun di Figuras ariba diasabra mainta.

E desfile di apertura tawata diasabra atardi, na unda e atletanan di “De Barracudas a luci den nan uniform nobo, full na blauw, conhunto cu 2 atleta di Barbados.
Despues di e desfile a cuminsa di biaha cu competencia di solo den tur categoria. Ta pa prome biaha pa e atletanan nobo “beginners” a participa na un competencia cu rutinanan. Tawatin en total di 16 solo ariba e anochi aki.

Diadomingo mainta a inicia e competencia di Duet sigui pa esun di Team. Akinan tambe e rutinanan tabata di kita sombre, y a demostra cu en berdad e atletanan di synchro ta haciendo un tremendo trabou cu tur e preparacionnan simannan largo.

Tawatin un sorpresa e mainta caminda cu e FUN GROUP a duna un tremendo presentacion den apenas algun luna cu nan ta train. E grupo aki ta un iniciativa nobo cu a cuminsa cu ne e aña aki specialmente pa atletanan cu kier “purba” e deporte di synchro pa wak si nan kier sigui cu ne. Tin cu bisa cu e Fun Group despues di nan rutina a pone tremendo ambiente caminda tur atleta a baila riba deck y algun mayor a swing tambe riba tribuna pa despues tur atleta bula hunto den pool.
Despues a sigui cu e parti oficial di e ceremonia di medaya na unda tawatin masha hopi entregamento mes. Como overall ganadora di cada grupo di edad a keda:

Beginners: Quintessa Sophia
10 and under: Sofia Cardona
11-12: Avigayle Tromp
13-15: Kainah Croes
16-18: Abigail de Veer

E siguiente competencia aki na Aruba lo ta dia 25 juni: e Aruba Senior Nationals cu ta tuma luga dia 25 di juni pa 7 pm. Akinan e atletanan lo competi den e categoria “OPEN”, y cu ta en preparacion pa e Campeonato Mundial cu ta tuma luga na Budapes na luna di juli 2017, y pa otro aña e Weganan CentroAmericanos y del Caribe na Cali, Colombia.
Pa e atletanan mas hoben e siguiente competencia lo ta CCCAN cu ta tuma luga na Trinidad y Tobago. Lo tin un delegacion di 13 atleta cu lo representa Aruba aki nan.
Keda pendiente pa esaki via Facebook of via e website: http://www.debarracudas.com, y tambe pa tur actividad y resultadonan.

You May Also Like

Son ta yega in Dubai pa hunga cu Sur Korea den Cup Asiatico

Son Heung-min a yega na e Cup Asiatico despues di a perde e prome ...

Mikel Schreuders ta haya premio Most Valuable Male Swimmer

Recientemente e atleta elite  di landamento Mikel Schreuders, a logra e premio como Most Valuable ...

CFC 7 yena cu emocion paden y pafo di e Octagon

ORANJESTAD – Durante fin di siman a tuma luga e evento di CFC 7. ...

RCA “Big Wheel Lottery powered by Powerade” ta habri play-off vs Nacional

Soldatnan Tricolor lo ranca sali diasabra pa 8or di anochi den Centro Deportivo Guillermo ...

Mr. Aruba National Body Building and Fitness Championship 2017 na Marriott

Diabierna awo, 25 di augustus, Aruba Bodybuilding & Powerlifting Association lo tene nan competencia ...

Exitoso Caribbean Cup di hisamento di peso

Diasabra ultimo dia 13 di mei, Aruba Amateur Weightlifting Assocation (AAWA) a tene nan ...