(Yahoo) – Pa dia, Merca ta sigui registra un cantidad grandi di migrantenan cu ta purba di drenta na su teritorio di forma ilegal a traves di e frontera cu ta comparti cu Republica Mexicano, na tal punto cu na luna di mei ultimo solamente, e pais a notifica e aresto di mas di 180.000 persona indocumenta.

Di acuerdo cu Oficina di Aduana y Proteccion Fronteriso di Merca (CBP na Ingles) a revela cu e cifra ta representa un aumento di 1% compara cu e 178 mil 622 detencion reporta na april, cantidad cu a subi 3% teniendo na cuenta 173 mil 348 persona deteni na maart 2021.

Manera estadistica ta marca, e nacion ta sigui supera su cifranan historico luna pa luna, loke a genera criticanan pa e administracion di e gobierno Mericano cu no por maneha e situacion migratorio cu ta bibando for di comienso di aña pasa.

Cu e cifranan ey, a informa cu e indice di muchanan menor di edad sin compañamento cu a wordo rescata na e frontera a baha un biaha mas, di 18 mil 951 pa 14 mil 158 (cifranan di april y mei). Asina mes a revela cu di e muchanan aki deteni, 10 mil 765 tabata for di paisnan centro Americano como Guatemala, Honduras y El Salvador.

Ta asina cu e mayoria di arestonan registra ta coresponde pa adulto cu tabata purba di crusa su so e nacion Mericano, specificamente 121 mil persona, un aumento considerabel si ta tuma na cuenta 111 mil detecta for di comienso. Di loke ta trata famianan aresta, a confirma cu a yega 44 mil na teritorio Mericano e luna pasa.

CBP tambe a informa cu 62% di e migrantenan deteni (112 mil 302) a wordo deporta di biaha bao e argumento di crisis sanitario fomenta pa pandemia Covid-19 cu ta sigui vigente for di maart 2020.

Kamala Harris, vice-presidente di Merca y esun cu ta encarga di e maneho di e crisis migratorio aki pa orden di e presidente Joe Biden, e numbernan di migrantenan deteni na frontera no ta stop di subi aunke ainda tin strategianan implementa pa e funcionario.

E mandatario tambe ta punto di criticanan debi cu ta permiti cu e muchanan menor di edad deteni ta permanece mas tempo di lo cual ley di centronan di detencion gestiona pa elementonan di patruya fronteriso ta stipula, specialmente cu ta menciona cu e tipo di instalacionnan aki ta diseña pa ricibi adultonan y no muchanan.

LEAVE A REPLY

Please enter your comment!
Please enter your name here