Durante e reunion di Conseho Insular, lider di fraccion di MPB, Elvis Tjin Asjoe a presenta un mocion cu ta pone atencion riba diferente facilidad pa piscado cu a keda acepta unanimamente.

E mocion ta trata diferente aspecto cu piscadonan tin mester pa asina nan por cumpli cu nan trabou di tur dia. Algun di e aspectonan aki ta cu e piscadonan no tin un area sigur pa mara nan boto. Ta existi un necesidad grandi pa un area di mara tanto boto grandi como boto chikito di piscado. Tin necesidad tambe pa construi un ‚Äėslipway‚Äô pa boto di piscado, boto recreativo y tambe pa instancianan gubernamental y no gubernamental por haci nan trabou. Por a nota cu e waf di piscado na Sorobon ta den mal estado di mantencion y e sitio caminda nan ta baha boto ta bou di santo. Esakinan tur ta crea un urgencia pa percura pa un sitio sigur pa asina piscadonan por eherce nan trabou di tur dia.

E mocion ta instrui Colegio Ehecutivo pa duna directorado di R&O encargo pa crea un plan di desaroyo pa e area di Te Amo Bich, cuminsando pabou di Port Bonaire te na e waf caminda e barconan di combustibel ta mara y alabes pa cana e caminda pa tuma bek parti di e tereno destina pa construccion di hotel na unda Courtyard by Marriott ta situa actualmente.

Nos ta mira ku e wafnan den centro di ciudad, entre otro Waf di Chachacha, Waf Nello Craane y e waf di piscado na Playa Pabou a ricibi mantencion, pero esun na Sorobon caminda habitantenan di Antriol, Sorobon, Nikiboko y Tera K√≤r√° ta frecuenta no ta na ordo. Piscadonan tin cu lastra nan boto pa por drenta lama. Mester remedia esaki y crea e facilidadnan necesario pa nan tambe‚ÄĚ, segun Elvis Tjin Asjoe, lider di fraccion di MPB.

Al final e mocion ta instrui Colegio Ehecutivo pa medio di e departamento di fiansa pa realoca medionan financiero pa por crea facilidad pa piscado; entre otro construi un waf y luga di hala y mara boto na altura di Port Bonaire y na Courtyard by Marriott. Pone facilidad di awa di bebe, coriente y camara di vigilancia pa siguridad y encarga Piskabon cu e maneho di mantencion via un contracto di cuido

LEAVE A REPLY

Please enter your comment!
Please enter your name here