(EFE) – Autoridadnan Colombiano a detene nuebe persona cu tabata forma parti di un red di transporte cu tabata trafica cu migrantenan for di frontera cu Ecuador y Venezuela te municipio di Necocli, e porta di entrada na e ruta peligroso di Tapon del Darien, segun Polis a informa diasabra ultimo.

E personanan aki a ser captura na departamentonan di Nariño, Cauca, Huila, Santander, La Guajira y Atlantico y, ta parce cu a transporta por lo menos 294 migrante, di e cual 54 a logra yega Merca, segun Polis a detaya den un comunicado.

“Ademas a ser materialisa e medidanan cautelar di tuma den beslaag 18 propiedad perteneciente na e organisacion aki,” e informacion a agrega.

E red aki, segun investigacion di autoridadnan, tabata trafica hende di varios nacionalidad como Cuba, Haiti, Venezuela, China, Somalia, India, Afgania y Pakistan, entre otro, ora nan tabata yega Colombia nan tabata ser transporta den e careteranan di frontera cu Ecuador, Venezuela y Brazil hasta Necocli.

Eynan nan tabata ser ricibi pa otro miembronan di organisacion cu tabata realisa “desplasamento final na e Tapon di Darien hasta Panama, y despues Merca.”

“Durante e investigacion tabata posibel pa prueba cu varios migrante, specialmente di nacionalidad Afgano, Pakistani y Haitiano, tabata presenta como documento di identidad cedulanan Chileno cu e fin di evita e controlnan migratorio na teritorio Colombiano y facilita nan entrada na Merca, pues cu e documento aki no mester di visa pa drenta na teritorio nort Americano, pa loke a descubri e alcance transnacional di e organisacion criminal aki,” Polis a agrega.

Hefe di e organisacion, Carlos Alberto Garcia Coy a keda deteni na Ipiales, e principal paso fronteriso di Colombia cu Ecuador, ora e tabata carga un bus cu 19 Venezolano.

Na tur e persona deteni a ordena “medida di privativa di libertad, entre e seis di nan ta e lider cu ta den centro di detencion y tres chauffeur cu tin prizon preventivo na nan cas.”

Tapon di Darien, area cu ta separa America Sur di e Central y na unda mas di 500.000 migrante a logra di crusa e aña aki, a bira un di e rutanan cu mas transito di e continente y alabes esun di mas peligroso.

Den dje e migrantenan y refugiado, ademas cu tin cu crusa un selva sin caretera y yen di riesgonan natural, nan ta exponi na violencia, debi na presencia di gruponan di trafico di persona cu ta practica extorsion y secuestro.