(NLTimes) – Tabatin tres explosion mas na Hulanda diasabra nochi. Anteriormente a reporta cu incidentenan di explosion a triplica compara cu aña pasa, y no ta mustra señal di stop, cu tres incidente mas tumando lugar na Rotterdam-Zuid, Almere y Zwijndrecht.
E prome explosion cu a keda anuncia na polis tabata na un porch house na Persoonshaven na Rotterdam-Zuid diasabra nochi. “Afortunadamente e residentenan no a resulta herida. Tabatin daño material,” polis a anuncia. E sospechoso a huy for di e escena. Polis ta pidiendo cualkier testigo pa bin dilanti cu informacion.
Tabatin daño severo na un cas na Valetaweg den Danswijk na Almere. Un persona tambe a resulta levemente herida, y a ricibi tratamento na e sitio for di personal di ambulance, segun HV Almere ta reporta. Un vocero pa e region di seguridad a bisa cu e explosion tambe a afecta casnan cercano. No tabatin candela.
Esaki tabata e di dos explosion den dos dia na Almere. Un cas riba Freejaplantsoen den Almere Poort tambe a haya un explosion diabierna nochi. E alcalde a cera e edificio despues di e incidente.
Polis a reporta un di tres explosion na Zwijndrecht, cu a tuma lugar rond di 4or di marduga. Segun polis, un sospechoso a huy for di e escena riba Koninginnenweg. Ningun persona a resulta herida.
