Diaranson ultimo recherchenan di Afpakteam a detene un hoben Arubiano di 19 aña na aeropuerto cu tabata tin un suma di $ 13.213 den su poder.

E hoben a ser deteni riba ta sospecho di labamento di placa y a bini di Merca. E hoben no a meld e cantidad di placa cu e tabata tin den su poder na departamento di Aduana manera ley ta stipula.

Como cu e tabata contradeci su mes den su contestanan na Aduana, a dicidi pa tuma contacto cu Afpakteam. Recherchenan di Afpakteam a procede cu detene riba sospecho di labamento di placa.

Investigacion di Afpakteam a mustra cu e sospechoso no por a splica di unda e placa tabata bin y despues el a tuma distancia tambe di e placa.

E placa lo bay den e fondo di Criminalidad (Criminaliteitsbestrijdingsfonds). Placa di e fondo ta wordo uza pa bringa crimen.

 

LEAVE A REPLY

Please enter your comment!
Please enter your name here